၁၂ ရက်အတွင်း ကစားခဲ့တဲ့ ပွဲစဉ် ၄ ပွဲစလုံး အနိုင်ရခဲ့တာက မယုံကြည်နိုင်စရာကောင်းကြောင်း လီဗာပူးနည်းပြ ယာဂန်ကလော့ပ်က ပြောသွားပါတယ်။

လီဗာပူးအသင်းဟာ  ဖေဖော်ဝါရီ  ၂၂ ရက်ကနေ မတ်လ ၂ ရက်အထိ စုစုပေါင်း ပရီးမီးယားလိဂ် ၂ ပွဲ၊ လိဂ်ဖလား ၁ ပွဲနဲ့ အက်ဖ်အေဖလားတပွဲကစားခဲ့ပြီး ၄ ပွဲစလုံး အနိုင်ရခဲ့တာပါ။

အဲဒီပွဲစဉ်တွေ မတိုင်ခင်မှာ ၄ ပွဲစလုံးအနိုင် ရနိုင်လားဆိုပြီးမေးခဲ့ရင် မဖြစ်နိုင်ဘူးလို့ ဖြေကြားမိမှာ ဖြစ်ကြောင်း၊ ကစားသမားတွေအားလုံး ထူးချွန်စွာ စွမ်းဆောင်နိုင်ခဲ့တာကြောင့် ၄ ပွဲစလုံး အနိုင်ရခဲ့တာဖြစ်ကြောင်း နည်းပြကလော့ပ်က ပြောပါတယ်။

လီဗာပူးအသင်းဟာ မနေ့ညက ကစားခဲ့တဲ့ နော်တင်ဟမ်နဲ့ပွဲမှာလည်း  ပွဲချိန် ၉၉ မိနစ်ရောက်မှ လူးစားဝင်တိုက်စစ်မှူး နူညက်ဇ်က အနိုင်ဂိုးသွင်းပေးခဲ့တာကြောင့် အမှတ်ပေးဇယားအဆင့် ၁ မှာ ဆက်လက် ဦးဆောင်နိုင်ခဲ့ပါတယ်။

Photo-REUTERS/Dylan Martinez