ရလဒ်ကောင်းရရန်အတွက် အမြန်ဆုံးအဖြေရှာရန်လိုပြီဟု မန်ယူနောက်ခံလူ မက်ဂွဲယား ပြော
DVB
·
February 25, 2024
မန်ယူနိုက်တက်အသင်းအနေနဲ့ ရလဒ်ကောင်းပြန်ရဖို့ အမြန်ဆုံးအဖြေရှာဖို့လိုအပ်ကြောင်း နောက်ခံလူ မက်ဂွဲယားက ပြောသွားပါတယ်။
မန်ယူအသင်းဟာ မနေ့ညက ကစားခဲ့တဲ့ ဖူဟမ်နဲ့ပွဲစဉ်မှာ ပွဲပြီးခါနီးမှာ ပေးလိုက်ရတဲ့ဂိုးကြောင့် ၂ ဂိုး ၁ ဂိုးနဲ့ အိမ်ကွင်းမှာ ရှုံးပွဲတွေ့ခဲ့တာပါ။
အသင်းအတွက် တဂိုးသွင်းပေးခဲ့သူ နောက်ခံလူ မက်ဂွဲယားကတော့ ဟွိုက်လန်း မပါနိုင်တဲ့ တိုက်စစ်ပိုင်းနဲ့ ဒဏ်ရာ ပြဿနာတွေရှိနေတာက အသင်းကို ခက်ခဲစေခဲ့ပြီး ရလဒ်ကောင်းပြန်ရဖို့ အမြန်ဆုံးအဖြေရှာသင့်ကြောင်း ပွဲအပြီးမှာပြောသွားတာပါ။
ဒဏ်ရာပြဿနာတွေက တရာသီလုံး ဒုက္ခပေးခဲ့ပြီး တိုက်စစ်ပိုင်းက တိုးတက်ဖို့ လိုအပ်နေသေးကြောင်း မက်ဂွဲယားက ပြောပါတယ်။
မန်ယူအသင်းဟာ ဖူဟမ်ကို ရှုံးနိမ့်မှုကြောင့် အဆင့် ၄ နေရာက ဗီလာနဲ့ ၈ မှတ်အထိ ကွာဟသွားခဲ့ပြီ ဖြစ်ပါတယ်။
Photo-Reuters
