တိုက်စစ်မှူး ဟွိုက်လန်းဟာ ပြိုင်ဘက်ဂိုးပေါက်ရှေ့မှာ ခမ်းနားတဲ့စွမ်းဆောင်ရည်ရှိသူလို့ နည်းပြ တန်ဟတ်ဂ်က ချီးကျူးသွားပါတယ်။
လူတန်တောင်းအသင်းကို ၂ ဂိုး ၁ ဂိုးနဲ့ အနိုင်ရတဲ့ပွဲမှာ အနိုင်ဂိုး နှစ်ဂိုးစလုံးသွင်းယူခဲ့ပြီးနောက် ဟွိုက်လန်းကို နည်းပြတန်ဟတ်ဂ်က ချီးကျူးစကားဆိုခဲ့တာပါ။
ဟွိုက်လန်းဟာ အသင်းကို စတင်ရောက်ရှိချိန်ကတည်းက စွမ်းဆောင်ရည်ကောင်းတွေ ပြသနိုင်ခဲ့တာဖြစ်ပြီး ကံမကောင်းမှုတချို့ရှိခဲ့လို့သာ ဝေဖန်ခံခဲ့ရတဲ့အချိန်တွေရှိခဲ့တာဖြစ်ကြောင်း နည်းပြတန်ဟတ်ဂ်က ပြောပါတယ်။
လက်ရှိအချိန်မှာတော့ လိုအပ်ချက်တွေ ရှိနေသေးသည့်တိုင် ယုံကြည်မှုရှိလာပြီဖြစ်ပြီး အဆုံးသတ် စွမ်းဆောင်ရည်ကောင်းမွန်လာတယ်ဆိုတာ သိသာရှင်းလင်းကြောင်း နည်းပြတန် ဟတ်ဂ်က ပြောသွားပါတယ်။
ဟွိုက်လန်းဟာ ပရီးမီးယားလိဂ် ၆ ပွဲဆက်တိုက် ဂိုးသွင်းယူ နိုင်ခဲ့တဲ့ အသက်အငယ်ဆုံးကစားသမားအဖြစ် စံချိန်တင်နိုင်ခဲ့ပါတယ်။
Photo-Reuters
