ကိုးကန့်တွင် နယ်စပ်ဖြတ်ကျော် ပြစ်မှုကျူးလွန်သည်ဟု သံသယရှိသူ ၃၆ ဦး ဖမ်းဆီးခံရ
DVB
·
February 4, 2024
ကိုးကန့်ဒေသက နယ်မြေရှင်းလင်းရေးစီမံချက် ဒုတိယနေ့မှာ တရားမဝင် နယ်စပ်ဖြတ်ကျော် ပြစ်မှုကျူးလွန်တယ်လို့ သံသယရှိသူ ၃၆ ယောက်နဲ့ လက်နက်ခဲယမ်းတွေ ဖမ်းဆီးရမိခဲ့တယ်လို့ MNDAA ရဲ့ သတင်းထုတ်ပြန်ရေး ကိုးကန့်မီဒီယာမှာ ဒီနေ့ ဖော်ပြထားပါတယ်။
အထူးဒေသ နယ်မြေရှင်းလင်းရေး အထူးစီမံချက်နဲ့ အွန်လိုင်းလိမ်လည်မှု၊ မူးယစ်ဆေးဝါး၊ တရားမဝင်လက်နက်ကိုင်ဆောင်မှုနဲ့ ရာဇဝတ်မှုပေါင်းစုံ လုံးဝ ပပျောက်စေဖို့အတွက် စစ်အုပ်ချုပ်ရေးကော်မတီ လက်အောက်က အဖွဲ့တွေက ရှင်းလင်းရေးလုပ်ငန်းတွေ လုပ်နေတာဖြစ်ပါတယ်။
ကိုးကန့်အထူးဒေသမှာ တရားဝင် နေထိုင်တဲ့သူတွေအတွက် ယာယီနေထိုင်ခွင့် မှတ်ပုံတင်ရေး၊ ယာယီနေထိုင်ခွင့် သက်သေခံလက်မှတ်ပြုလုပ်ပေးတာကိုလည်း ဆောင်ရွက်နေတယ်လို့ ဆိုပါတယ်။
