လက်ဘနွန်နိုင်ငံအခြေစိုက် အီရန်ကျောထောက် နောက်ခံပြု ဟစ်ဇ်ဘိုလာတွေနဲ့ ဆက်နွှယ်နေတဲ့ ဆီးရီးယားနိုင်ငံထဲက ပစ်မှတ် ၅၀ ကျော်ကို ပစ်ခတ်ချေမှုန်းခဲ့တယ်လို့ အစ္စရေး စစ်တပ်က ဖေဖော်ဝါရီ ၃ ရက်မှာ ပြောပါတယ်။
ဟားမတ်စ်တွေနဲ့ စည်းလုံးနေတဲ့ ဟစ်ဇ်ဘိုလာတွေရဲ့ တိုက်ခိုက်မှုတွေကို ချေမှုန်းရေး အားထုတ်မှုတွေကို အဓိကထား ဆွေးနွေးခဲ့တဲ့ အစ္စရေး စစ်ဘက်ပြောရေးဆိုခွင့်ရှိသူ ရေတပ် ဗိုလ်ချုပ်ကြီး ဒယ်နီယယ် ဟာဂါရီက မှတ်ချက်ထဲမှာ ဆီးရီးယား စစ်ဆင်ရေးတွေနဲ့ ပတ်သက်လို့ အစ္စရေးရဲ့ ပုံမှန် နှုတ်လုံမှုဟာ အဓိကထွက်ပေါက်ပဲလို့ ပြောပါတယ်။
“ကျနော်တို့ အရေးယူနေပါတယ်။ ဟစ်ဇ်ဘိုလာ ရှိတဲ့နေရာတိုင်း ကျနော်တို့ ရှိနေမှာပါ” လို့ ဟာဂါရီက ပြောပါတယ်။
အစ္စရေးတပ်ဖွဲ့တွေဟာ နယ်စပ်စောင့်ကြည့်ရေးစခန်း ၁၂၀၊ ဒုံးကျည်နဲ့ တခြားလက်နက်တွေပါတဲ့ လျှို့ဝှက်လက်နက်တိုက် ၄၀ နဲ့ ကွပ်ကဲမှုစင်တာ ၄၀ ကျော်အပါအဝင် လက်ဘနွန်မှာရှိတဲ့ ဟစ်ဇ်ဘိုလာပစ်မှတ် ၃၄,၀၀၀ ကို တိုက်ခိုက်ခဲ့ပြီး ရန်သူ ဟဇ်ဘိုလာဦးရေ အယောက် ၂၀၀ ကျော် သေဆုံးခဲ့တယ်လို့ ဟာဂါရီက ပြောပါတယ်။
ဂါဇာကမ်းမြောင်ဒေသမှာ စစ်ပွဲဖြစ်ပြီးတဲ့နောက် ဟစ်ဇ်ဘိုလာတွေ ပါလာနိုင်တဲ့ မျှော်လင့်ချက်ကြောင့် လက်ဘနွန်နယ်စပ်တလျှောက် တပ်ဖွဲ့ ၃ ခု တပ်ဖြန့်ထားတယ်လို့လည်း ဟာဂါရီက ပြောပါတယ်။
မြောက်ပိုင်းမှာ နေထိုင်သူ ထောင်ပေါင်းများစွာကို ဘေးလွတ်ရာသို့ ရွှေ့ပြောင်းခဲ့ပြီး ဟစ်ဇ်ဘိုလာတွေက နယ်စပ်ကနေ မထွက်သွားရင် လက်ဘနွန်မှာ တိုက်ပွဲတွေကို အရှိန်မြှင့်မယ်လို့ အစ္စရေးက ခြိမ်းခြောက်ခဲ့ပါတယ်။
ဘေရွတ်မြို့တော်မှာ သံတမန်နည်းလမ်းနဲ့ ဖြေရှင်းဖို့ အနောက်နိုင်ငံတွေရဲ့ အကူအညီကို တောင်းခံခဲ့ပါတယ်။ ရက်ပေါင်း ၁၂၀ ကြာတဲ့ ဂါဇာစစ်ပွဲဟာ အစ္စရေးနဲ့ မဟာမိတ်တွေအတွက် အရှက်ရစေတဲ့ လက္ခဏာလို့ ဟားမတ်စ်တွေက ပြောပါတယ်။
Source/Photo - REUTERS/Gil Eliyahu
