အင်္ဂလန်၌ ဆုဖလား ၁ လုံး ရရန် ခက်ခဲကြောင်း ဗီလာနည်းပြ အမ်မရီ ပြော
DVB
·
January 26, 2024
အင်္ဂလန်မှာ ဆုဖလား တလုံးရယူနိုင်ဖို့က တခြားနေရာတွေထက် ပိုပြီး ခက်ခဲကြောင်း ဗီလာ နည်းပြ အူနိုင်းအမ်မရီက ပြောပါတယ်။
ဆီဗီလာ၊ ပီအက်စ်ဂျီ၊ အာဆင်နယ်နဲ့ ဗီလာရီးရဲလ်နည်းပြဟောင်း စပိန်နည်းပြဟာ ဆီဗီလာ၊ ပီအက်စ်ဂျီနဲ့ ဗီလာရီးရဲလ် အသင်းတွေမှာ ဆုဖလားတွေ ရယူနိုင်ခဲ့သူပါ။
အင်္ဂလန်ပရီးမီးယားလိဂ်မှာ ဆုဖလားစိန်ခေါ်နိုင်တဲ့အသင်းဖြစ်ချင်ပေမဲ့ ဆုဖလား တလုံး ရယူ နိုင်ဖို့က တခြားနိုင်ငံတွေမှာထက် ပိုပြီးခက်ခဲတယ်လို့ အမ်မရီက ပြောပါတယ်။
အင်္ဂလန်မှာ အာဆင်နယ်နဲ့အတူ အောင်မြင်မူမရခဲ့သလို ဗီလာနဲ့လည်း ဆုဖလားမရယူနိုင်သေး ကြောင်း၊ အနာဂတ်မှာတော့ ဆုဖလားတွေ ရယူပေးချင်ကြောင်း အမ်မရီက ပြောပါတယ်။
အခုနှစ်ရာသီမှာ အမ်မရီရဲ့ ဗီလာအသင်းက ခြေစွမ်းကောင်းပြသနေပြီး ပရီးမီးယားလိဂ်ပွဲစဉ် ၂၁ အပြီးမှာ အဆင့် ၄ နေရာမှာရပ်တည်နေပါတယ်။
Photo - Reuters
