အိုမန်ပင်လယ်ကွေ့မှာ ရေနံတင်သင်္ဘောတစ်စင်းကို အီရန်ရေတပ်က သိမ်းဆည်းထားတယ်လို့ အီရန်နိုင်ငံပိုင် မီဒီယာကို ကိုးကားပြီး ရိုက်တာသတင်းဌာနက ဇန်နဝါရီ ၁၃ ရက်မှာ ဖော်ပြပါတယ်။

တူရကီနိုင်ငံဆီ ပို့မယ့် အီရတ်ရေနံစိမ်းတွေကို သယ်လာတဲ့ Marshall ကျွန်းစုနိုင်ငံရဲ့  အလံထူထားတဲ့ စိန့်နီကိုလက်စ် သင်္ဘောကို အိုမန်နိုင်ငံ ဆိုဟာမြို့နားမှာ လက်နက်ကိုင် ကျူးကျော်သူတွေက ဇန်နဝါရီ ၁၁ ရက်က စီးနင်းခဲ့တာပါ။

ဒီလုပ်ရပ်ဟာ ပြီးခဲ့တဲ့နှစ်က အလားတူ သင်္ဘောနဲ့ ရေနံကို အမေရိကန်က သိမ်းယူခဲ့လို့ လက်တုံ့ပြန်တာ ဖြစ်ပြီး ဒေသတွင်း တင်းမာမှုတွေကို တွန်းလှန်နိုင်ဖွယ်ရှိတယ်လို့ အီရန်နိုင်ငံပိုင် မီဒီယာက ဖော်ပြပါတယ်။ အမေရိကန်ရဲ့ လုပ်ဆောင်ချက်အတွက် အဖြေမရှိဘူးလို့ အီရန်က သတိပေးခဲ့ပါတယ်။ 

သင်္ဘောရဲ့ AIS ခြေရာခံစနစ်ဟာ အီရန်ဆိပ်ကမ်း ဘန်ဒါအီ ဂျပ်စ်ခ်ဆီကို ဦးတည်သွားချိန်မှာ ပိတ်ထားခဲ့တယ်လို့ ဗြိတိန် ရေကြောင်းလုံခြုံရေးကုမ္ပဏီ အမ်ဘရေက ပြောပါတယ်။

စိန့်နီကိုလက်စ် သင်္ဘောကို သိမ်းဆည်းရမိတာဟာ ပင်လယ်နီသင်္ဘောလမ်းကြောင်းတွေကို ပစ်မှတ်ထားတဲ့ ယီမင်နိုင်ငံထဲက အီရန်ကျောထောက်နောက်ခံပြု ဟူသီပြည်သူ့စစ်တွေရဲ့ တည်နေရာတွေကို သီတင်းပတ်တွေအတွင်း တိုက်ခိုက်ခံရချိန်နဲ့ တိုက်ဆိုင်နေပါတယ်။ 

စူးအက် ရာဂျန် ဆိုတဲ့ တခြားနာမည်နဲ့ ခုတ်မောင်းရင်း စစ်ကူပေးတဲ့ စစ်ဆင်ရေး ဆောင်ရွက်နေတဲ့ စိန့်နီကိုလက်စ်သင်္ဘောကို အမေရိကန်က မနှစ်က ပိတ်ဆို့အရေးယူရင်း သိမ်းဆည်းခဲ့ဖူးပါတယ်။ 

Source/Photo - Reuters