ဘုန်းမောက်တိုက်စစ်မှူး ဆိုလန်ကီကို ခေါ်ယူရန် စပါးအသင်း စိတ်ဝင်စား
DVB
·
December 26, 2023
တော့တင်ဟမ်ဟော့စပါးအသင်းဟာ ဘုန်းမောက်တိုက်စစ်မှူး ဆိုလန်ကီကို ခေါ်ယူဖို့ စိတ်ဝင်စားနေပါတယ်။
စပါးအသင်းဟာ ဟယ်ရီကိန်းနေရာမှာ နောက်ထပ်တိုက်စစ်မှူးစစ်စစ် မခေါ်ယူခဲ့တာကြောင့် ဆိုလန်ကီကို ခေါ်ယူဖို့ မျက်စိကျလာခဲ့တာပါ။
အင်္ဂလန်တိုက်စစ်မှူးဟာ ဒီရာသီ ၁၇ ပွဲ ကစားအပြီးမှာ ၁၂ ဂိုး သွင်းယူထားပြီး နော်တင်ဟမ်ဖောရက်စ်နဲ့ပွဲမှာ ဟက်ထရစ် သွင်းခဲ့ပါသေးတယ်။
ဘရိုက်တန်တိုက်စစ်မှူး ဖာဂူဆန်ကိုလည်း ခေါ်ယူဖို့ စိတ်ဝင်စားပေမဲ့ ဆိုလန်ကီကို ခေါ်ယူဖို့က ဦးစားပေးပစ်မှတ်ဖြစ်တယ်လို့ စပါးအသင်းနဲ့နီးစပ်တဲ့ အသိုင်းအဝိုင်းက ဆိုကြပါတယ်။
ဆိုလန်ကီဟာ ၂၀၁၉ ခုနှစ်က လီဗာပူးကနေ ပေါင် ၂၄ သန်းနဲ့ ဘုန်းမောက်အသင်းဆီ ပြောင်းရွှေ့ခဲ့တာပါ။
အဲဒီတုန်းက စာချုပ်ပါအချက်အလက်အရ ဆိုလန်ကီ အသင်းပြောင်းရွှေ့တိုင်း ပြောင်းရွှေ့ကြေးရဲ့ ၂၀ ရာခိုင်နှုန်းလောက်ကို လီဗာပူးအသင်းက ရရှိမယ်လို့ သိရပါတယ်။
Photo-Reuters
