ကမ္ဘာ့ကလပ်အသင်းများ ဗိုလ်လုပွဲအပြီး ရန်ပွဲက မန်စီးတီးကစားသမား ဂရေးလစ်ရှ်ကနေ စတင်တာဖြစ်ကြောင်း ဘရာဇီးကလပ် ဖလူမင်နိစ်အသင်း နောက်ခံလူ မယ်လိုက ရှင်းလင်း ပြောကြားလိုက်ပါတယ်။
အသက် ၄၀ ရှိ ဂျူဗင်တပ်နဲ့ အင်တာမီလန်ကစားသမားဟောင်းဟာ ပွဲအပြီးမှာ ဂရေးလစ်ရှ်ဆီကို ပြေးပြီး ခိုက်ရန်ဖြစ်ဖို့ လုပ်ဆောင်ခဲ့ပေမဲ့ စီးတီးနောက်ခံလူ ဝေါ်ကာက တားဆီးခဲ့တာပါ။
ရုပ်သံပြကွက်တွေနဲ့ မီဒီယာတချို့ရဲ့ ရေးသားမှုအရ မယ်လိုက စတင်တိုက်ခိုက်ဖို့ လုပ်ဆောင်ခဲ့တာလို့ ဖော်ပြခဲ့ကြပြီး အဲဒီအပေါ်မှာ မယ်လိုက ပြန်လည်ရှင်းလင်းခဲ့တာပါ။
ဂရေးလစ်ရှင်ဟာ ပွဲအပြီးမှာ ဖလူမင်နိစ် ပရိသတ်တွေကို အော်ဟစ် လှောင်ပြောင်ခဲ့တာဖြစ်ကြောင်း၊ ပရိသတ်တွေဘက်က အော်ဟစ်လှောင်ပြောင်နိုင်ပေမဲ့ ကွင်းထဲက ကစားသမားတွေဘက်က လေးစားမှုထားရမှာဖြစ်ကြောင်း မယ်လိုက ပြောပါတယ်။
ဒီပွဲမှာ မန်စီးတီးအသင်းဟာ ဖလူမင်နိစ် အသင်းကို ၄ ဂိုး ဂိုးမရှိနဲ့ အနိုင်ရရှိခဲ့ပြီး ကမ္ဘာ့ကလပ် ချန်ပီယံဆုဖလားကို ပထမဆုံးအကြိမ် ရယူနိုင်ခဲ့ပါတယ်။
Photo-Reuters
