မန်ယူကွင်းလယ်လူ ဗန်ဒီဘိခ် ဂျာမနီကလပ် ဖရန့်ဖတ်နှင့် ဆေးစစ်မှု အောင်မြင်
DVB
·
December 21, 2023
မန်ယူကွင်းလယ်လူ ဗန်ဒီဘိခ်ဟာ ဂျာမနီကလပ် ဖရန့်ဖတ်အသင်းဆီ ပြောင်းရွှေ့ဖို့အတွက် ဆေးစစ်ခဲ့ရာမှာ အောင်မြင်ခဲ့တယ်လို့ သိရပါတယ်။
ဗန်ဒီဘိခ်ဟာ ကနဦး အငှားစာချုပ်နဲ့ ပြောင်းရွှေ့မှာဖြစ်ပြီး ရာသီကုန်ဆုံးချိန်မှာ ပေါင် ၁၃ သန်းနဲ့ အပြီးသတ် ပြောင်းရွှေ့မှာပါ။
ဖရန့်ဖတ်နဲ့ မန်ယူအသင်းတို့ကြားမှာ သဘောတူညီမူ အနည်းငယ်ကျန်ရှိသေးပေမဲ့ ကြိုတင်ဆေးစစ်မှု အောင်မြင်ခဲ့ကြောင်း ဂျာမနီသတင်းစာ BILD ရဲ့ သတင်းထောက် ဖလော်ရီယန်ပလက်တန်ဘက်ချ်က ဆိုပါတယ်။
ဟော်လန်ကွင်းလယ်လူဟာ အခုနှစ်ရာသီမှာ မန်ယူအတွက် လူစားဝင်ကစားမှု နှစ်ကြိမ်သာရှိခဲ့ပြီး ပွဲထွက်ခွင့် အလွန်နည်းပါးခဲ့တာကို စိတ်ပျက်လက်ပျက် ဖြစ်ခဲ့တာကြောင့် အသင်းပြောင်းဖို့ ဆုံးဖြတ်ခဲ့တာလို့ သိရပါတယ်။
Photo-Reuters
