လူတွေမကောင်းပြောနေတာကို မန်ယူခြေဖျက်ပြနိုင်ဟု လီဗာပူးနည်းပြ ကလော့ပ်ပြော
DVB
·
December 16, 2023
မန်ယူအသင်းနဲ့ ပတ်သက်ပြီး လူတွေကမကောင်းပြောနေကြတာကို မန်ယူအသင်းက ခြေဖျက်ပြနိုင်ကြောင်း လီဗာပူးနည်းပြကလော့ပ်က ပြောပါတယ်။
မန်ယူအသင်းဟာ ချန်ပီယံလိဂ်ပြိုင်ပွဲမှာ အုပ်စု အောက်ဆုံးကနေ ထွက်ခွါခဲ့ရပြီးနောက် အသင်းရဲ့ စွမ်းဆောင်ရည်အပေါ် ဝေဖန်မှုတွေပိုမိုမြင့် တက်လာတာပါ။
မန်ယူအသင်းကို လူတွေက မကောင်းပြောနေကြလေလေ သူတို့ဘက်က သန်မာကြောင်း ပြသဖို့ ကြိုးပမ်းလေလေဖြစ်ပြီး အဲဒီအခြေအနေကို မနှစ်သက်ကြောင်း နည်းပြကလော့ပ်က ပြော ပါတယ်။
လီဗာပူးအတွက်တော့ အိမ်ကွင်းမှာ ကစားရမှာဖြစ်လို့ ယူနိုက်တက်နဲ့ပွဲစဉ်ဟာ ပရိသတ်တွေ အတွက် ကစားဖို့လိုအပ်တဲ့ ပွဲစဉ်ဖြစ်ကြောင်း နည်းပြ ကလော့ပ်က ပြောပါတယ်။
အိမ်ကွင်း အားနဲ့အတူ မန်ယူအသင်းကို အကောင်းဆုံး ဖိအားပေးယှဉ်ပြိုင်သွားမယ်လို့ နည်းပြ ကလောပ်က ပြောသွားပါတယ်။
Photo - Reuters
