မန်ယူကွင်းလယ်လူ ဗန်ဒီဘိခ်ကို ခေါ်ယူရန် ဂျာမန်ကလပ် ဖရန့်ဖတ်အသင်း သဘောတူ
DVB
·
December 16, 2023
ဂျာမန်ကလပ် ဖရန့်ဖတ်အသင်းဟာ မန်ယူကွင်းလယ်လူ ဗန်ဒီဘိခ်ကိုခေါ်ယူဖို့ သဘောတူညီမှု ရရှိသွားပါတယ်။
အသက် ၂၆ နှစ်ရှိ ဟော်လန်ကွင်းလယ်လူ ဗန်ဒီဘိခ်ဟာ ယူနိုက်တက်နဲ့ ၂၁ မိနစ် သာ ကစားခွင့်ရရှိတာကြောင့် အသင်းပြောင်းရွှေ့ဖို့ ဆုံးဖြတ်ခဲ့တာပါ။
ဗန်ဒီဘိခ်ဟာ ၂၀၂၄ ခုနှစ် ဇွန်လ အထိ ၆ လအငှားစာချုပ်နဲ့ ပြောင်းရွှေ့မှာဖြစ်ပြီး အပြီးသတ်ဝယ်ယူခွင့်လည်း ပါဝင်မယ်လို့သိရပါတယ်။
မန်ယူနိုက်တက်မှာ ကောင်းမွန်တဲ့ နေထိုင်မှုနဲ့ အဆင်ပြေနေပေမဲ့ ငွေကြေးကအဓိကမဟုတ်ဘဲ အပတ်စဉ်တိုင်းမှာ ကျေနပ်ပျော်ရွှင်မှုရရှိဖို့က အရေးကြီးကြောင်း ဗန်ဒီဘိခ်က ပြောပါတယ်။
ဗန်ဒီဘိခ်အနေနဲ့ ဇန်နဝါရီအပြောင်းအရွှေ့ စတင်ဖွင့်လှစ်တာနဲ့ ဖရန့်ဖတ်အသင်းနဲ့ စာချုပ် ချုပ်ဆိုသွားမှာ ဖြစ်ပါတယ်။
Photo - Reuters
