ရှမ်းပြည်နယ်မြောက်ပိုင်း၊ ကျောက်မဲနဲ့ မန်တုံမြို့နယ် တိုက်ပွဲတွေမှာ စစ်ကောင်စီရဲ့ တပ်စခန်း ၂ ခု သိမ်းပိုက်လိုက်ကြောင်း တအာင်းတပ်မတော် (TNLA) က ထုတ်ပြန်ပါတယ်။
ဒီဇင်ဘာ ၇ ရက် နေ့လယ်လောက်က တအာင်းတပ်မဟာ(၂)စစ်ဒေသ၊ ကျောက်မဲမြိုနယ် စစ်ကောင်စီ လယ်ကြီးတပ်စခန်းကို TNLA နဲ့ မိုးကုတ်ဗျူဟာ PDF ပူးပေါင်းအဖွဲ့တို့က ပူးပေါင်း တိုက်ခိုက်သိမ်းပိုက်ခဲ့တာပါ။
အဲဒီစခန်းကနေ စစ်သုံ့ပန်း ၂ ဦး၊ ရဲ ၃ ဦးတို့ကို 60/80 MM လက်နက်ကြီးအပါအဝင်၊ လက်နက်ပေါင်း ၁၀ လက်နဲ့ စစ်အသုံးအဆောင်ပစ္စည်းတွေကို ရှင်းလင်းသိမ်းဆည်းရမိခဲ့ကြောင်း TNLAက ဆိုပါတယ်။
ဒီဇင်ဘာ ၇ ရက် ညနေ ၄ နာရီခွဲလောက်မှာ မန်တုံမြိုနယ် စစ်ကောင်စီ ခိုမုန်း(မန်နား ) တပ်စခန်းကို TNLA က ဝင်ရောက်ရှင်းလင်း သိမ်းပိုက်နိုင်ခဲ့တယ်လို့လည်း ထုတ်ပြန်ပါတယ်။
ရှမ်းပြည်မြောက်ပိုင်းမှာ ၁၀၂၇ စစ်ဆင်ရေး စတင်ခဲ့တဲ့အောက်တိုဘာ ၂၇ ရက်ကနေ ဒီဇင်ဘာ ၈ ရက်အထိ တအာင်းတပ်မတော် TNLA အနေနဲ့ စစ်ကောင်စီ တပ်စခန်း ၅၃ ခုကို သိမ်းပိုက်ထားကြောင်း ထုတ်ပြန်ထားပါတယ်။
