နိုဝင်ဘာလအတွက် ပရီးမီးယားလိဂ်ရဲ့ တစ်လတာအကောင်းဆုံးနည်းပြဆု ဆန်ခါတင်စာရင်းမှာ မန်ယူနည်းပြ အဲရစ်တန်ဟတ်ဂ် ပါဝင်လာပါတယ်။
နည်းပြတန်ဟတ်ဂ်ဟာ နိုဝင်ဘာလအတွင်းမှာ ကစားခဲ့တဲ့ပွဲစဉ် ၃ ပွဲစလုံး အနိုင်ရရှိအောင် စွမ်းဆောင်နိုင်ခဲ့တာပါ။
ဖူဟမ်၊ လူတန်တောင်းနဲ့ အဲဗာတန်အသင်းတွေကို ပေးဂိုးမရှိဘဲ အနိုင်ရရှိခဲ့တာဖြစ်ပြီး တိုက်စစ်ပိုင်းကလည်း စုစုပေါင်း ၅ဂိုးသွင်း ခဲ့တာပါ။
နည်းပြတန်ဟတ်ဂ်နဲ့အတူ လူတန်တောင်းနည်းပြ ရော့ဘ်အက်ဝါ့ဒ်၊ နယူးကာဆယ်နည်းပြ အက်ဒီဟောင်းနဲ့ ဘုန်းမောက်နည်းပြ အီရာအိုလာတို့ ဆန်ခါတင်စာရင်းမှာ ပါဝင်ပါတယ်။
ဒီဇင်ဘာ ၄ ရက်အထိ မဲပေးနိုင်ပြီး ဘောလုံးကျွမ်းကျင်သူတွေက ထပ်ဆင့်ရွေးချယ်မှာပါ။ တစ်လတာ အကောင်းဆုံးကစားသမားဆု ဆန်ခါတင်စာရင်းမှာတော့ မန်ယူနောက်ခံလူ မက်ဂွဲယားအပါအဝင်၊ စီးတီးကဒိုကူ၊ ကာဆယ်က ဂေါ်ဒွန်၊ လူတန်ဂိုးသမား ကာမင်စကီး၊ ဘုန်းမောက်က တာဗာနီယာနဲ့ ချဲလ်ဆီးက စတာလင်တို့ ပါဝင်ပါတယ်။
Photo-Reuters
