စစ်ကိုင်းတိုင်း၊ ကလေးမြို့နဲ့ ချင်းပြည်နယ်ဘက်ကို ဆက်သွယ်ထားတဲ့ ကလေး-သိုင်းငင်း- တီးတိန် လမ်းမကြီးကို နိုဝင်ဘာ ၂၇ ရက်ကစတင်ပြီး ဒေသခံတွေနဲ့ ခရီးသွားတွေ အသုံးမပြုဖို့ ချင်းကာကွယ်ရေးတပ်ဖွဲ့ CDF-Civic Defense Militia -CDM-Siyin က သတိပေးထားပါတယ်။
လုံခြုံရေးအခြေအနေနဲ့ စစ်ရေးအရှိန်ကြောင့် ခေတ္တပိတ်ပင်ထားတာဖြစ်ပြီး ဒေသခံတွေရဲ့ ကျန်းမာရေးနဲ့ နာရေးကိစ္စတွေအတွက် CDF-Siyin ထံ အသိပေးအကြောင်းကြားနိုင်တယ်လို့ ဆိုပါတယ်။
CDF-CDM-SIYIN အဖွဲ့ရဲ့တာဝန်ခံ" ကျနော်တို့ လှုပ်ရှားတဲ့ ချင်းပြည်နယ်အဝင် ကလေး-သိုင်းငင်းလမ်းကို စစ်ရေးဗျူဟာအရ ခေတ္တပိတ်တာပါ။ လမ်းဖွင့်တဲ့အခါ ပြန်အသိ ပေးမယ်။"လို့ ဆိုပါတယ်။
ခရီးသွားနဲ့ ဒေသခံတွေအနေနဲ့ မိမိတို့ရဲ့ အသက်အန္တရယ်လုံခြုံရေးအတွက် သတိပြုစေလိုပြီး ခရီးသွားလာခြင်းကြောင့် ဖြစ်ပေါ်လာတဲ့ နောက်ဆက်တွဲပြဿနာတွေကို မိမိတို့အဖွဲ့အနေနဲ့ တာဝန်မယူဘူးလို့ ဆိုပါတယ်။
အဲဒီလမ်းမဟာ ချင်းပြည်နယ်ရဲ့ ကုန်စည်ဆက်သွယ်ရေးနဲ့ မြန်မာ-အိန္ဒိယကုန်သွယ်ရေးမှာ အရေးပါတဲ့ လမ်းမကြီးဖြစ်ပြီး နှစ်ဘက်တိုက်ပွဲဖြစ်ပွားလေ့ရှိပါတယ်။
