ငပလီကမ်းခြေရှိ ထူးကုမ္ပဏီအုပ်စုပိုင် ဟိုတယ်မီးလောင်
DVB
·
November 27, 2023
ရခိုင်ပြည်နယ်၊ ငပလီမြို့၊ မြပြင်ရပ်ကွက်မှာရှိတဲ့ Aureum Palace ဟိုတယ်မှာ ည ၇ နာရီလောက်က မီးလောင်ခဲ့တာကြောင့် တည်းခိုဆောင်တချို့ ဆုံးရှုံးတယ်လို့ သိရပါတယ်။
ဟိုတယ်ဝန်ထမ်းတယောက်က " နှစ်ဆောင် သုံးဆောင်လောက်ပါသွားတယ်။ စတိုခန်းဘက်က ဝါယာရှော့ဖြစ်တယ်လို့လည်း ပြောကြတယ်။ ဘယ်လိုဖြစ်တယ်တော့ အတိအကျမ သိသေးပါဘူး။ ခုတော့ မီးငြိမ်းသွားပါပြီ။ တခြားအဆောင်တွေကို မီးမကူးအောင် ခေါင်မိုးတွေ ဖျက်လိုက်ရတယ်" လို့ ပြောပါတယ်။
အဲဒီနေရာဟာ အရင်က လူရည်ချွန်စခန်းဖြစ်ပြီး ခရိုနီတယောက်ဖြစ်တဲ့ ဦးတေဇရဲ့ ထူးကုမ္ပဏီ အုပ်စုက ဟိုတယ်ဆောက်လုပ်ထားတာဖြစ်ပါတယ်။
ဓာတ်ပုံ - ဒေသခံများ
