မန်ယူအသင်းရဲ့တိုက်စစ်မှူးတွေအပေါ် ယုံကြည်မှုရှိကြောင်း အသင်းနည်းပြ အဲရစ်တန်ဟတ်ဂ်က ပြောသွားပါတယ်။
မန်ယူအသင်းဟာပရီးမီးယားလိဂ် ၁၂ ပွဲမှာ ၁၃ ဂိုးသာ ဂိုးရရှိထားပြီး တိုက်စစ် မှူးတွေ ဂိုးသွင်းခြေအားနည်းနေတာကို ကာကွယ်ပြောသွားခဲ့တာပါ။
မန်ယူတိုက်စစ်မှူးတွေထဲမှာ ရက်ရှ်ဖို့ဒ်တစ်ဦးသာ တစ်ဂိုးသွင်းထားပြီး ဟွိုက်လန်း၊ မာစီယယ်၊ အန်တိုနီတို့က ဂိုးမရရှိသေးတာပါ။
အသင်းရဲ့တိုက်စစ်ကစားသမားတွေက ဂိုးသွင်းနိုင်စွမ်းရှိကြသူတွေဖြစ်ပြီး ရက်ရှ်ဖို့ဒ်က မနှစ်တုန်းက ဂိုး ၃၀ သွင်းခဲ့သူဖြစ်ကြောင်း၊ ပိုကောင်းအောင်လုပ်ဆောင်ဖို့လိုအပ်ပေမဲ့လည်း တိုက်စစ်မှူးတွေရဲ့ ဂိုးသွင်းစွမ်းရည်အပေါ် ယုံကြည်မှုရှိကြောင်း နည်းပြတန်ဟတ်ဂ်က ပြောပါတယ်။
မန်ယူအသင်းရဲ့ ပရီးမီးယားလိဂ်သွင်းဂိုး ၁၃ ဂိုးထဲမှာ တွန်မီနေးနဲ့ ဖာနန်ဒက်စ်တို့က ၃ ဂိုးစီသွင်းထားပြီး တခြား ၇ ဦးက တစ်ဂိုးစီသွင်းယူထားကြတာ ဖြစ်ပါတယ်။
Photo - Reuters
