ဘာစီလိုနာ၌ ကစားခွင့် ရရေး ဒီယက်ဇ်အိပ်မက်ဟု ဖခင်ဖြစ်သူ ထုတ်ဖော်ပြောဆို
DVB
·
November 19, 2023
ဘာစီလိုနာအသင်းမှာ ကစားခွင့်ရဖို့က သားဖြစ်သူ လူးဝစ်ဒီယက်ဇ်ရဲ့ အိပ်မက်ဖြစ်ကြောင်း ဖခင် ဖြစ်သူ မန်နူရယ်ဒီယက်ဇ်က ထုတ်ဖော်ပြောသွားပါတယ်။
အသက် ၂၆ နှစ်ရှိ ကိုလံဘီယာတိုက်စစ် ကစားသမားဟာ ၂၀၂၂ ခုနှစ်ဇန်နဝါရီက ပေါ်တိုကနေ လီဗာပူးအသင်းဆီ ပြောင်းရွှေ့လာခဲ့သူပါ။
မနှစ်ကရာသီမှာ ဒူးဒဏ်ရာ အပြင်းအထန် ရခဲ့လို့ နားချိန်များခဲ့ပေမဲ့ အသင်းအတွက် ခြေစွမ်းပြသ နိုင်ခဲ့သူပါ။
ပြီးခဲ့တဲ့တပတ်ကမှ ၁၂ ရက်ကြာ ပြန်ပေးဆွဲခံရမူကနေ ပြန်လည်လွတ်မြောက်လာတဲ့ ဒီယက်ဇ်ရဲ့ ဖခင်ကတော့ သားဖြစ်သူရဲ့ အိပ်မက်အသင်းက ဘာစီလိုနာအသင်းဖြစ်ကြောင်း ထုတ်ဖော်ပြောပြ လာခဲ့တာပါ။
လက်ရှိအချိန်မှာ ဘာစီလိုနာ အသင်းအကြောင်း အနည်းငယ်သာသိရှိပေမဲ့ လူးဝစ်ဒီယက်ဇ်ဟာ ဘာစီလိုနာအသင်းရဲ့ ပရိသတ်ဖြစ်ပြီး နူးကမ့်ဆီ ပြောင်းရွှေ့ကစားခွင့်ရဖို့က သူ့ရဲ့ အိပ်မက် ဖြစ်ကြောင်း မန်နူရယ်ဒီယက်ဇ်က ပြောသွားပါတယ်။
Photo-Reuters
