အကောင်းဆုံးကစားနိုင်အောင် လေ့လာသင်ယူနေဟု အာနိုးလ်ပြော
DVB
·
November 14, 2023
အကောင်းဆုံးကွင်းလယ်ကစားသမားတယောက်လို ကစားနိုင်အောင် လေ့လာသင်ယူနေကြောင်း လီဗာပူး နောက်ခံလူအာနိုးလ်က ပြောသွားပါတယ်။
အာနိုးလ်ဟာ လီဗာပူးအသင်းမှာ ကွင်းလယ်နေရာအထိ တက်ပြီးကစားခဲ့ဖူးသူဖြစ်သလို အင်္ဂလန်လက်ရွေးစင်အသင်းမှာလည်း ကွင်းလယ်ကစားသမားနေရာမှာ ကစားခဲ့ဖူးပါတယ်။
မတူကွဲပြားတဲ့ နည်းစနစ်ပိုင်းဆိုင်ရာတွေအပါအဝင် မတူညီတဲ့အသင်းတွေနဲ့ ကစားသမားတွေကို စောင့်ကြည့်ရတာကို ပျော်ရွှင်ကြောင်း အာနိုးလ်က ပြောပါတယ်။
ကွင်းလယ်ခံစစ်နေရာမှာ တက်ကစားတဲ့ ကစားသမားတွေကို ဘယ်လိုခေါ်ဝေါ်ကြသလဲဆိုတာ သေချာ မသိပေမဲ့ မန်စီးတီးက အင်္ဂလန်အသင်းဖော် ဂျွန်စတုန်းစ်ရဲ့ ကစားဟန်အတိုင်းဖြစ်ကြောင်း အာနိုးလ်က ပြောသွားခဲ့ပါတယ်။
Photo-Reuters
