ကစားသမားဘဝတလျှောက်မှာ ရင်ဆိုင်ခဲ့ဖူးသမျှ အခက်ခဲဆုံးကစာသမားကို မန်စီးတီးကွင်း လယ်လူ ဖိုဒမ်က ထုတ်ဖော်ပြောပြသွားပါတယ်။
ဖိုဒမ်ဟာ မန်စီးတီးအသင်းနဲ့အတူ ဥရောပပြိုင်ပွဲတွေ မှာ ထိပ်တန်းကစားသမားတွေနဲ့ ရင်ဆိုင်ခဲ့ဖူးသလို ပရီးမီးယားလိဂ်ကထိပ်တန်းကစားသမားတွေနဲ့လည်း ယှဉ်ပြိုင်ခဲ့ဖူးတာပါ။
ပြီးခဲတဲ့ရက်ပိုင်းကအင်တာဗျူးတခုမှာတော့ ရင်ဆိုင်ခဲ့ဖူးသမျှ အခက်ခဲဆုံးပြိုင်ဘက်ကစားသမားက ချဲလ်ဆီးနောက်ခံလူ ရိစ်ဂျိမ်းစ်ဖြစ်ကြောင်း ထုတ်ဖော် ပြောပြခဲ့တာပါ။
ရိစ်ဂျိမ်းစ်ကို အသက် ၁၃ နှစ် ၁၄ နှစ်အရွယ်ကတည်းက ပြိုင်ဘက်တွေအဖြစ် ရင်ဆိုင်ခဲ့ဖူးပြီး အဲဒီအချိန်ကတည်းက ရင်ဆိုင်ရအလွန်ခက်ခဲတဲ့ ကစားသမားဖြစ်ခဲ့ကြောင်း ဖိုဒမ်က ပြောပါတယ်။
ဖိုဒမ်နဲ့ နောက်ခံလူရိစ်ဂျိမ်းစ်တို့ဟာ အင်္ဂလန်လက်ရွေးစင်အသင်းမှာတော့ အတူတွဲဖက်ကစားခဲ့ကြ တာပါ။ လာမယ့်တစ်ပတ်မှာ ချဲလ်ဆီးက မန်စီးတီးကို အိမ်ကွင်းမှာလက်ခံကစားရမှာဖြစ်ပြီး သူတို့ နှစ် ဦး ထပ်ဆုံတွေ့ရဖို့ရှိပါတယ်။
Photo-Reuters
