ဘိုင်ယန်ကြယ်ပွင့် မူဆီယာလာကို ခေါ်ယူရန် ရီးရဲလ်နှင့် မန်စီးတီး အပြိုင်စိတ်ဝင်စား
DVB
·
November 9, 2023
ရီးရဲလ်မက်ဒရစ်နဲ့ မန်စီးတီးအသင်းတွေဟာ ဘိုင်ယန်ကြယ်ပွင့် မူဆီယာလာကို ခေါ်ယူဖို့ အပြိုင်စိတ်ဝင်စားနေကြပါတယ်။
အသက် ၂၀ နှစ်ရှိ ဂျာမန် ကွင်းလယ်တိုက်စစ်ကစားသမားကို ရီးရဲလ်မက်ဒရစ်က အမ်ဘာပေကို ခေါ်ယူနိုင်ရေး မအောင်မြင်ခဲ့မယ်ဆိုရင် နံပါတ်တစ် ပစ်မှတ်အဖြစ် ခေါ်ယူဖို့ စီစဉ်ထားတယ်လို့ ဂျာမန်မီဒီယာ Bild က ဖော်ပြပါတယ်။
မန်စီးတီးနည်းပြပတ်ဂွါဒီယိုလာကတော့ မူဆီယာလာကို အသက်အရွယ်ရလာတဲ့ ကီဗင်ဒီဘရိုင်းနားရဲ့ နေရာမှာ ရေရှည်အစားထိုးနိုင်ဖို့ ရည်မှန်းထားတယ်လို့ဆိုပါတယ်။
အင်္ဂလန်သက်တမ်းအလိုက် လူငယ်အသင်းတွေမှာ ကစားခဲ့ဖူးတဲ့ ချဲလ်ဆီးအကယ်ဒမီထွက် ကစားသမားဟာ ဘိုင်ယန်နဲ့ ၁၃၈ ပွဲမှာ ၃၅ ဂိုးသွင်းထားသူပါ။ မနှစ်က ရာသီမှာလည်း စုစုပေါင်း ၄၇ ပွဲ ကစားခဲ့ပြီး ၁၆ ဂိုး သွင်းယူနိုင်ခဲ့ပါတယ်။
Photo-Reuters
