မက်ဆီ ဘလွန်းဒီအောဆု ရရှိပြီးနောက်မှာ စီရော်နယ်ဒိုကို ပရိသတ်တွေက လှောင်ပြောင်ခဲ့ကြပါတယ်။
မက်ဆီဟာ ပြင်သစ်ဘောလုံးမဂ္ဂဇင်းက ချီးမြှင့်တဲ့ ကမ္ဘာ့အကောင်းဆုံးဘောလုံးသမားဆုကို ၈ ကြိမ် မြောက်ရရှိခဲ့တာဖြစ်ပြီး ရော်နယ်ဒိုကတော့ ဒီနှစ်မှာ ဆန်ခါတင်စာရင်းမှာ ပထမဆုံးအကြိမ် ပါဝင်ခြင်းမရှိခဲ့တာပါ။
၈ ကြိမ်ရရှိခဲ့တဲ့ မက်ဆီနဲ့ ၅ ကြိမ်ရရှိခဲ့တဲ့ ရော်နယ်ဒိုတို့ရဲ့ အောင်မြင်မှုကို ပရိသတ်တွေက နှိုင်းယှဉ်ပြီး ရော်နယ်ဒိုကို လှောင်ပြောင်ခဲ့ကြတာပါ။
မက်ဆီ ပရိသတ်တစ်ဦးကတော့ ရော်နယ်ဒိုပရိသတ်တွေအနေနဲ့ မက်ဆီကသာ စစ်မှန်တဲ့ သမိုင်းတလျှောက်အကောင်းဆုံးကစားသမားဆိုတာ ဝန်ခံသင့်ပြီဖြစ်ကြောင်း ဆိုပါတယ်။
မက်ဆီကသာ အငြင်းပွားဖွယ်မရှိ အကောင်းဆုံးကစားသမားဖြစ်ပြီး အမှန်တရားကို တစ်ကြိမ်ခန့် ထုတ်ဖော်ပြောပြသင့်ကြောင်းလည်း ပရိသတ်တစ်ဦးက မှတ်ချက်ပေးပါတယ်။
နောက်ထပ် ပရိသတ်တစ်ဦးကတော့ ရော်နယ်ဒို ဘလွန်းဒီအောဆု ရရှိချိန်တိုင်းမှာ ချီးကျူးခဲ့ပေမဲ့ မက်ဆီ ရရှိချိန်မှာ မချီးကျူးနိုင်ခဲ့ကြောင်း၊ ဒီအချိန်မှာတော့ မက်ဆီအတွက် ဂုဏ်ပြုစကားဆိုချင်ကြောင်း ပရိသတ်တစ်ဦးက ပြောသွားခဲ့ပါတယ်။
Photo - Reuters
