နည်းပြဟောင်း ဆာအဲလက်ဖာဂူဆန်ရဲ့ဇနီး နာရေးကို ဒေးဗစ်ဘက်ခမ်းအပါအဝင် နာမည်ကြီး ကစားသမားဟောင်းတွေ လာရောက်ဂါရဝပြုခဲ့ပါတယ်။
အထူးသဖြင့် မန်ယူအသင်းရဲ့ ကစားသမားဟောင်းတွေက အများဆုံး လာရောက်ခဲ့ကြတာပါ။ စကော့တလန်နိုင်ငံ ဂလပ်စကိုမြို့မှာ ပြုလုပ်တဲ့ ဈာပနပွဲမှာ မန်ယူအသင်းခေါင်းဆောင်ဖြစ်ခဲ့တဲ့ နည်းပြ စတိဘရု အပါအဝင် ဘရိုင်ယန်ရော့ဆင်၊ လီဗာပူးဂန္ထဝင် ကင်နီဒဲလ်ဂလစ်နဲ့ နည်းပြ ဘရန်ဒန်ရော်ဂျာတို့လည်း လာရောက်ခဲ့ပါတယ်။
ဒ့ါအပြင် မန်ယူအသင်းရဲ့ ရွှေရောင်မျိုးဆက် ကစားသမားတွေဖြစ်ကြတဲ့ ဒေးဗစ်ဘက်ခမ်း၊ ဂယ်ရီနဗီးလ်၊ နစ်ကီဘတ်တို့ အပါအဝင် ပတ်ဂျီဆန်၊ ဖလက်ချာ၊ ကာရစ်တို့လည်း တက်ရောက်ခဲ့ တာပါ။
အသက် ၈၄ နှစ်ရှိ ကလေးသုံးယောက်ရဲ့မိခင် ကေသီဟာ ပြီးခဲ့တဲ့အောက်တိုဘာလဆန်းက ကွယ်လွန်ခဲ့တာဖြစ်ပြီး ဇနီးဖြစ်သူဟာ နည်းပြဘဝရဲ့ အောင်မြင်မှုတွေမှာ အဓိကကျတဲ့သူ ဖြစ်ကြောင်း ဖာဂူဆန်က ချီးကျူးဂုဏ်ပြုခဲ့ဖူးပါတယ်။
