စကော့တန်ကလပ် ရိန်းဂျားအသင်းကို ကိုင်တွယ်ရန် နည်းပြလမ်းပတ် စိတ်ဝင်စား
DVB
·
October 4, 2023
ချဲလ်ဆီးနည်းပြဟောင်း ဖရန့်လမ်းပတ်ဟာ စကော့တလန်ကလပ် ရိန်းဂျားအသင်းကို တာဝန်ယူ ကိုင်တွယ်ဖို့ စိတ်ဝင်စားနေပါတယ်။
အသက် ၄၅ နှစ်ရှိ အင်္ဂလန်နည်းပြဟာ မနှစ်က ချဲလ်ဆီးအသင်းရဲ့ ရာသီပိတ် ၁၁ ပွဲကို တာဝန်ယူခဲ့ပြီးနောက် အသင်းလက်မဲ့ ဖြစ်နေတာပါ။
ရိန်းဂျားအသင်းဟာ ပြီးခဲ့တဲ့စနေနေ့က အဘာဒင်းကို ၃ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် နည်းပြ မိုက်ကယ် ဘီယာလေကို ရာထူးကနေ ထုတ်ပယ်ခဲ့တာပါ။
ရိန်းဂျားအသင်းဟာ ချဲလ်ဆီးနဲ့ အဲဗာတန်နည်းပြဟောင်း လမ်းပတ်ကို အစားထိုးခန့်အပ်နိုင်ဖို့ ပြင်ဆင်နေသလို တခြားနည်းပြတွေလည်း လျာထားတာ ရှိပါတယ်။
လမ်းပတ်နဲ့ အဆင်မပြေခဲ့ဘူးဆိုရင်တော့ ဟော်လန်ကလပ် အယ်လ်ခမာနည်းပြ ပါစကယ်ဂျန်ဆန်၊ မိုနာကိုနည်းပြဟောင်း ဖိလစ်ပီစလီမန့်တို့နဲ့ ချိတ်ဆက်ဖို့လည်း ပြင်ဆင်ထားပါတယ်။
Photo-Reuters
