တောင်ပံတိုက်စစ်ကစားသမား မူဒရစ်အနေနဲ့ ပွဲအခြေအနေကို ကောင်းစွာနားလည်နိုင်ဖို့လိုအပ် ကြောင်း ချဲလ်ဆီးနည်းပြ ပိုချက်တီနိုက ပြောသွားပါတယ်။
ယူကရိန်းကြယ်ပွင့်ကစားသမားဟာ ဘုန်းမောက်နဲ့ ဂိုးမရှိသရေကျတဲ့ပွဲစဉ်မှာ ပွဲထွက်ကစားခဲ့ပေမဲ့ ခြေစွမ်းပြသနိုင်ခြင်း မရှိခဲ့လို့ လူစားလဲ ခံခဲ့ရသူပါ။
မူဒရစ်အနေနဲ့ အရင်ကထက် တိုးတက်မှုတွေရှိလာတာမှန်ပေမဲ့ ပရီးမီးယားလိဂ်နဲ့ အသားကျဖို့ လေ့လာသင်ယူမှုတွေ လုပ်ဆောင်နိုင်ဖို့လိုအပ်ကြောင်း ပိုချက်တီနိုက ပြောပါတယ်။
ဒါ့အပြင် ပွဲအခြေအနေကို နားလည်နိုင်ဖို့လည်း လိုအပ်ပြီး တခါတရံမှာ အသင်းနဲ့ ချိတ်ဆက်မှု ပိုပြီးလုပ်ဆောင်နိုင်ဖို့လည်း လိုအပ်ကြောင်း နည်းပြပိုချက်တီနိုက ပြောပါတယ်။
မူဒရစ်ဟာ အခုနှစ် ဇန်နဝါရီအပြောင်းအရွှေ့မှာ ပေါင် ၈၈ သန်းခွဲနဲ့ ပြောင်းရွှေ့လာသူဖြစ်ပြီး ချဲလ်ဆီးနဲ့ ၂၁ ပွဲအထိ ကစားထားပေမဲ့ ဂိုးသွင်းယူနိုင်ခြင်းတော့ မရှိသေးပါဘူး။
Photo-Reuters
