ဟေတီနိုင်ငံမှ စေတနာ့ဝန်ထမ်းတွေဟာ နယ်စပ်ကိုပိတ်ဖို့အတွက် မာစ်ကာမြစ်ကနေ ရေလမ်းကြောင်းတခုကို တည်ဆောက်ဖို့ စက်တင်ဘာ ၁၅ ရက်မှာ လုပ်ဆောင်နေကြပြီး အဲဒီမြစ်ဟာ ဒိုမီနီကန်သမ္မတနိုင်ငံလို့ ဖြစ်ပေါ်စေခဲ့တဲ့အပြင် ဟေတီနိုင်ငံနဲ့ ခွဲဝေသုံးစွဲနေတဲ့ မြစ်လည်း ဖြစ်ပါတယ်။
မြစ်အနီးအနားရှိ ဟေတီနိုင်ငံရဲ့ ဝါးနားမင့်ထ်မြို့မှ စေတနာ့ဝန်ထမ်းတွေဟာ မာစ်ကာမြစ်မှ ရေကို လမ်းလွှဲမယ့် တူးမြောင်းဆောက်လုပ်ရေးကို ဆက်လုပ်ခဲ့ကြပါတယ်။
“အစပိုင်းတုန်းက ဒီတူးမြောင်းဟာ သမ္မတဟောင်း ဂျိုဗန်နဲလ် မွိုက်စ် စတင်ခဲ့တဲ့ ပရောဂျက်တခု ဖြစ်ပြီးတော့ မပြီးပြတ်သေးခင် သေဆုံးသွားခဲ့တာ”လို့ စေတနာ့ဝန်ထမ်း အလုပ်သမား ဟူလီယို ချဲရီ က ပြောပါတယ်။
ဒါကြောင့် မားရီးဟို့မြေနိမ့်ပိုင်းမှာ စပါးတွေ ဆုံးရှုံးနေတဲ့ တောင်သူလယ်သမားတွေ ဖြစ်တဲ့ ကျနော်တို့က စပါးစိုက်ခင်းတွေကို ရေသွင်းလို့ရအောင် ဒီလှုပ်ရှားမှုကို စတင်ခဲ့တာဖြစ်ပြီးတော့ ဒီတူးမြောင်းကို ပြီးစီးသွားအောင် ဆက်ဖောက်လုပ်သွားမယ်လို့ ဆိုပါတယ်။
ဒိုမီနီကန်သမ္မတနိုင်ငံဟာ သောကြာနေ့ မနက်ပိုင်းမှာ နယ်စပ်ကို ပိတ်ခဲ့ပြီး အဲဒီလမ်းကြောင်းဟာ ၁၉၂၉ စာချုပ်ကို ချိုးဖောက်နေကြောင်း ကာရေဘီယံနိုင်ငံက စောဒက တက်ခဲ့ပါတယ်။
ဟေတီအစိုးရကလည်း ဒါဟာ ဒိုမီနီကန်သမ္မတနိုင်ငံ လုပ်ဆောင်သလိုပဲ ၁၉၂၉ စာချုပ်နဲ့အညီ သူ့ရဲ့ အချုပ်အခြာအာဏာကို အသုံးချပိုင်ခွင့် ရှိကြောင်း တုံ့ပြန်ခဲ့ပါတယ်။
မားရီးဟို့ လွင်ပြင်ကို ရေသွင်းစိုက်ပျိုးဖို့ အတိုင်းအတာအားလုံးကို လုပ်ဆောင်မယ် လို့လည်း ပြောပါတယ်။
ဟေတီနိုင်ငံမှာ ပြန်ပေးဆွဲမှုတွေနဲ့ လိင်ပိုင်းဆိုင်ရာ အကြမ်းဖက်မှုတွေကို နေ့စဉ်သတင်းတွေမှာ အစီရင်ခံနေပြီး နိုင်ငံကနေ ထွက်ခွာသွားသူ ထောင်ပေါင်းများစွာကို ပြည်နှင်ဒဏ်ပေးနေတာဖြစ်ပြီး အုပ်စုဖွဲ့ စစ်ပွဲတွေ ပိုမိုဆိုးရွားလာချိန်မှာ ဒိုမီနီကန်သမ္မတနိုင်ငံက သူ့နယ်စပ်လုံခြုံရေးကို တင်းကျပ် လိုက်တာ ဖြစ်ပါတယ်။
Source/Photo-Reuters
