မန်ယူတိုက်စစ်မှူး ဟွိုက်လန်းရဲ့ အမွှာညီနှစ်ဦးက ပိုကောင်းတဲ့ပါရမီရှင်ကစားသမားတွေ ဖြစ်လာနိုင်တယ်လို့ နည်းပြတွေက သုံးသပ်ကြပါတယ်။
ဟွိုက်လန်းမှာ အင်မီးဟွိုက်လန်းနဲ့ အော်စကာဟွိုက်လန်းအမည်ရှိ အမွှာညီနှစ်ဦးရှိပြီး လကရှိ ဒိန်းမတ်ထိပ်သီးကလပ် ကိုပေဟေဂင်အသင်းမှာ ကစားနေကြတာပါ။
သူတို့ဟာ အသက် ၁၈ နှစ်ပဲ ရှိသေးပေမဲ့ ကိုပေဟေဂင်အသင်းကြီးမှာ စတင်ပါဝင် ကစားနေတာဖြစ်ပါတယ်။
အင်မီးနဲ့ အော်စကာဟွိုက်လန်းတို့က ပိုပြီး ထူးချွန်ထက်မြက်တဲ့ ကစားသမားတွေဖြစ်လာနိုင်ပြီး ဟက်စ်မွတ်ဟွိုက်လန်းကတော့ ငယ်စဉ်က ခြေစွမ်းပေါ်လွင်မှုမရှိခဲ့ကြောင်း ညီအစ်ကိုသုံးဦးရဲ့ ငယ်ဘဝနည်းပြဖြစ်သူ ခရစ္စတီယန်က ပြောပါတယ်။
ဟွိုက်လန်းအနေနဲ့ မန်ယူအသင်းဆီကို ပေါင် ၇၂ သန်းနဲ့ ပြောင်းရွှေ့နိုင်ခဲ့တဲ့အပေါ် အံ့အားသင့်စရာဖြစ်ခဲ့ရကြောင်းလည်း သူက ပြောပါတယ်။
အမွှာညီအစ်ကိုနှစ်ဦးထဲမှာ အင်မီးဟွိုက်လန်းက ကွင်းလယ်နေရာမှာကစားပြီး အော်စကာဟွိုက်လန်းက နောက်ချန်တိုက်စစ်မှူးနေရာမှာ ကစားကြသူတွေဖြစ်ပါတယ်။
Photo-Reuters
