ဂျပန်နိုင်ငံမှာ ရာသီဥတုမသာယာလို့ ပြီးခဲ့တဲ့လက တပတ်အတွင်း ၃ ကြိမ် ရွှေ့ဆိုင်းခဲ့ပြီးနောက် အမျိုးသားအာကာသအေဂျင်စီရဲ့ လဆင်းယာဉ်ကို တင်ဆောင်လာတဲ့ H-IIA ဒုံးပျံကို စက်တင်ဘာ ၇ ရက်က လွှတ်တင်လိုက်ပါပြီ။
ဒီဒုံးပျံဟာ စီစဉ်ထားတဲ့အတိုင်း ဂျပန်နိုင်ငံတောင်ပိုင်း တာ့နဲငါ့ရှိမ အာကာသစခန်းကနေ ထွက်ခွာသွားပြီလို့ ဂျပန်အာကာသစူးစမ်းလေ့လာရေးအေဂျင်စီ (JAXA) က ပြောပါတယ်။
ဒုံးပျံကို လွှတ်တင်ခဲ့တဲ့ မစ်ဆူဘီရှီ အကြီးစားစက်မှုလုပ်ငန်းက ဒုံးပျံလွှတ်တင်တဲ့ အကြောင်းကို အရင်က တွစ်တာလို့ သိခဲ့ကြတဲ့ ဆိုရှယ်မီဒီယာ ပလက်ဖောင်း X မှာ အတည်ပြုခဲ့ပါတယ်။
အတိအကျ ဆင်းသက်နိုင်တဲ့ နည်းပညာကို စမ်းသပ်ထားပြီး “မွန်းစနိုက်ပါ” လို့ နာမည်ပေးထားတဲ့ JAXA ရဲ့ Smart Lander for Investigating Moon (SLIM) အာကာသယာဉ်ကို ဒီဒုံးပျံက သယ်ဆောင်သွားတာပါ။
SLIM အာကာသယာဉ်ဟာ လာမယ့်နှစ်အစောပိုင်းမှာ လမျက်နှာပြင်ပေါ်ကို ဆင်းသက်ဖို့ စီစဉ်ထားပါတယ်။
Source/Photo-Reuters
