ရခိုင်ပြည်နယ်၊ စစ်တွေမြို့ပွိုင့်ကမ်းခြေနားမှာ မွေးကင်းစကလေးငယ်တယောက် အသေစွန့်ပစ်ခံထားရတာတွေ့ရတယ်လို့ ရွှေရောင်မေတ္တာဖောင်ဒေးရှင်းရဲ့ တာဝန်ရှိသူတွေက ပြောပါတယ်။
"ဘယ်အချိန်ကတည်းက စွန့်ပစ်ထားတာတော့ မသိဘူး။ ကလေးအလောင်းက ပျက်စီးစပြုနေပြီ။ မျက်မြင်ပြည်သူတွေ အကြောင်းကြားလာတာလေ။ ဘယ်ကလဲ ဘယ်သူ့သားသမီးလဲ မသိရသေးဘူးဗျ"လို့ ပြောပါတယ်။
မွေးကင်းစယောက်ျားလေးဟာ စစ်တွေပွိုင့်ကမ်းခြေအနောက်ဘက်က ဘာဆာရွာ သွားလမ်း ကမ်းခြေဘက်မှာ အဝတ်ဗလာနဲ့ စွန့်ပစ်ခံထားရတာဖြစ်ပြီး အလောင်းကို စက်တင်ဘာ ၁ ရက် မနက်ပိုင်းက တွေ့ရှိခဲ့ကြတာပါ။
စစ်တွေမြိုခံတယောက်က "ဒါက ရာဇဝတ်မှု မြောက်တယ်လေ။ အမှုမှန်ကို ဖော်ထုတ်ရမှာက တာဝန်ရှိတာက ပြည်သူ့ရဲလေ။ သူတို့က ငွေမရမယ့်အလုပ်တွေဆို စိတ်မှမဝင်စားကြတာ။ ဘယ်လိုလုပ်ပြီး တရားခံတွေ ဖော်ထုတ်နိုင်မလဲ" လို့ ပြောပါတယ်။
ပြီးခဲ့တဲ့ ၂ဝ၂၁ ခုနှစ်၊ နိုဝင်ဘာ ၅ ရက်နေ့ကလည်း စစ်တွေမြို့၊ မင်းဂံရပ်ကွက်အကွက် ၄ နဲ့ ၅ ကြားက မြက်ခင်းပြင်မှာ စွန့်ပစ်ထားတဲ့ မွေးကင်းစ မိန်းကလေးငယ်တယောက်ကို အသက်ရှင်လျက် တွေ့ခဲ့ကြပါသေးတယ်။
