မန်စီးတီးကစားပုံနှင့် အံဝင်အောင်ကစားနိုင်ဟု ကွင်းလယ်လူသစ် နူနက်စ်ပြော
DVB
·
September 2, 2023
မန်စီးတီးအသင်းရဲ့ ကစားပုံနဲ့ အံဝင်အောင်ကစားနိုင်တယ်လို့ ကွင်းလယ်လူသစ် မက်သရူးနူနက်စ်က ပြောလိုက်ပါတယ်။
အသက် ၂၅ နှစ်ရှိ ပေါ်တူဂီကွင်းလယ်ကစားသမားဟာ ဝုဗ်အသင်းကနေ ပေါင် ၅၃ သန်းနဲ့ မန်စီးတီးဆီ ပြောင်းရွှေ့လာခဲ့တာပါ။
သူဟာပါဝါအားကောင်းပြီး ပြေးလွှားကစားနိုင်တဲ့ ကစားသမားဖြစ်ကာ ပရီးမီးယားလိဂ်လို မြန်နူန်းမြင့်ကစားပွဲတွေမှာ ကောင်းစွာကစားနိုင်တယ်လို့လည်း နူနက်စ်က ပြောပါတယ်။
မန်စီးတီးအသင်းကတော့ မြန်နူန်းမြင့်ကစားတာမဟုတ်ဘဲ ဘောလုံးပိုင်ဆိုင်မှုရယူပြီး ကစားတဲ့အသင်းဖြစ်ပေမဲ့ အသင်းမှာအံဝင်အောင်ကစားနိုင်ကြောင်း နူနက်စ်က ပြောပါတယ်။
အသင်းနည်းပြ ပတ်ဂွါဒီယိုလာဟာ ကမ္ဘာ့အကောင်းဆုံးနည်းပြဖြစ်ပြီး သင်ယူလေ့လာမှုတွေ များစွာပြုလုပ်သွားမှာဖြစ်ကြောင်းလည်း နူနက်စ်ကပြောသွားပါတယ်။
Photo-Reuters
