ဘိုင်ယန်ကွင်းလယ်လူ ဂရာဗန်ဘက်ချ်ကိုခေါ်ယူရန် လီဗာပူးအသင်း သဘောတူညီမှုရရှိ
DVB
·
September 1, 2023
လီဗာပူးအသင်းဟာ ဘိုင်ယန်မြူးနစ်ကွင်းလယ်လူ ဂရာဗန်ဘက်ချ်ကိုခေါ်ယူဖို့ သဘောတူညီမှု ရရှိခဲ့ပါတယ်။
ဟော်လန်ကွင်းလယ်ကစားသမားအတွက် ပေါင် ၃၄ ဒသမ ၃ သန်းပေးချေဖို့ လက်ခံ သဘောတူခဲ့ပြီး အပြောင်းအရွှေ့မပိတ်ခင်မှာ ဆေးစစ်ကာ၊ စာချုပ်ချုပ်ဆိုသွားဖို့ရှိပါတယ်။
အသက် ၂၁ နှစ်ရှိ ဂရာဗန်ဘက်ချ်ဟာ ပြီးခဲ့တဲ့ရာသီက အိုင်ယက်စ်ကနေ ဘိုင်ယန်ဆီပြောင်းရွှေ့ခဲ့ တာဖြစ်ပြီး လိဂ်ပွဲစဉ် ၃ ပွဲသာ ပွဲထွက်ကစားခွင့်ရရှိခဲ့တာပါ။
လီဗာပူးအသင်းဟာ ဟန်ဒါဆန်၊ ဖာဘင်ညို၊ ဂျိမ်းစ်မီလ်နာ၊ နာဘီကီတာ၊ ချိန်ဘာလိန် အစရှိတဲ့ ကွင်းလယ်ကစားသမားတွေကို ထွက်ခွါခွင့်ပြုခဲ့ပြီးနောက် ကွင်းလယ်လူတွေ ထပ်မံအားဖြည့်ခေါ်ယူခဲ့ပါတယ်။
မက်အလစ္စတာ၊ ဆော့ဘိုစလိုင်း၊ အန်ဒိုတို့ကိုလည်းခေါ်ယူထားပြီး ဂရာဗန်ဘက်ချ်က လေးယောက်မြောက် ကွင်းလယ် ကစားသမားခေါ်ယူမှု ဖြစ်လာခဲ့ပါတယ်။
Photo-Reuters
