ရုရှားဟာ မာလီနိုင်ငံကို ဘက်စုံအကူအညီတွေ ဆက်လက်ကူညီပေးသွားမယ်လို့ သြဂုတ် ၂၈ ရက်က ကုလသမဂ္ဂမှာ ကတိပြုလိုက်ပါတယ်။

ရုရှားတိုက်ခိုက်ရေးသမား အယောက် ၁၀၀၀ လောက်ဟာ ရုရှားရဲ့ ဝဂ္ဂနာ ကြေးစားအဖွဲ့နဲ့အတူ အနောက်အာဖရိကနိုင်ငံမှ စစ်အာဏာရှင်တွေကို အစ္စလာမ္မစ် သူပုန်ထမှုကို တိုက်ထုတ်ရာမှာ ကူညီပေးနေတာ ဖြစ်ပါတယ်။ 

ဝဂ္ဂနာကြေးစားတပ်ဖွဲ့ အကြီးအကဲ ယဲ့ဗ်ဂယ်နီပရီဂိုရှင်ဟာ ပြီးခဲ့တဲ့သီတင်းပတ်က လေယာဉ် ပျက်ကျမှုမှာ သေဆုံးသွားပြီးနောက် ရုရှားသမ္မတ ဗလာဒီမာပူတင်က ဝဂ္ဂနာ တိုက်ခိုက်ရေးသမားတွေကို ရုရှားနိုင်ငံအပေါ် သစ္စာခံကြောင်း ကျမ်းသစ္စာကျိန်ဆိုဖို့ အမိန့်ပေးခဲ့ပါတယ်။

ဘာမာကိုအစိုးရရဲ့ တောင်းဆိုချက်အရ ရုရှားငွေကြေးနဲ့ နှစ်နိုင်ငံ ပူးပေါင်းဆောင်ရွက်မှုမှာ ဘယ်လို လုပ်ဆောင်ပြီး နိုင်ငံတကာဥပဒေတွေရဲ့ တင်းကျပ်တဲ့ စံချိန်စံညွှန်းတွေနဲ့အညီ မာလီရဲ့ လုံခြုံရေးနယ်ပယ်မှာ နိုင်ငံတကာလုပ်ဖော်ကိုင်ဖက်တွေရဲ့ အချုပ်အခြာအာဏာ ရွေးချယ်မှုက အနောက်နိုင်ငံမိတ်ဖက်ဟောင်းတွေကို ဆက်ရှိနေစေပါတယ်လို့ ရုရှားနိုင်ငံ ဒုတိယ သံအမတ်ကြီး ဒီမစ်ထရီ ပိုလ်ယန်စကီးက ပြောပါတယ်။ 

မာလီနိုင်ငံမှာ စစ်အစိုးရက အင်အား ၁၃၀၀၀ ရှိတဲ့ ကုလသမဂ္ဂ ဘက်ပေါင်းစုံ ပေါင်းစပ် တည်ငြိမ်ရေးမစ်ရှင်တပ်ဖွဲ့ (MINUSMA) ကို ထွက်ခွာပေးဖို့ ရုတ်တရက် တောင်းဆိုခဲ့ပြီးနောက်မှာ အဖွဲ့ဝင် ၁၅ ဦးပါ ကောင်စီဟာ မာလီမှာ ဆယ်စုနှစ်ကြာ ငြိမ်းချမ်းရေး ထိန်းသိမ်းမှု တာဝန်ကို အဆုံးသတ်ဖို့ ဇွန်လမှာ မဲခွဲဆုံးဖြတ်ခဲ့တာဖြစ်ပါတယ်။ 

ဒီတောင်းဆိုချက်ဟာ ဝဂ္ဂနာအဖွဲ့မှ တီထွင်ခဲ့ခြင်းဖြစ်တယ်လို့ အမေရိကန်ပြည်ထောင်စုက ယူဆထားပါတယ်။ 

Source/Photo-Reuters