လက်ရှိအချိန်အထိ အသင်းသစ်ရှာမရသေးတဲ့ ဘယ်လ်ဂျီယံကစားသမား အေဒင်ဟာဇက်ဟာ ကစားသမားဘဝကနေ အနားယူဖို့နီးစပ်လာပါတယ်။
အသက် ၃၂ နှစ်ရှိဟာဇက်ဟာ မနှစ်ကရာသီမှာ ရီးရဲလ်မက်ဒရစ်အတွက် လိဂ်ပွဲစဉ် ၆ ပွဲသာ ကစားခဲ့ရပြီးနောက် စာချုပ်သက်တမ်းကုန်ဆုံးခဲ့လို့ အသင်းလက်မဲ့ဖြစ်နေခဲ့တာပါ။
ဟာဇက်အနေနဲ့ အမေရိကန်မေဂျာလိဂ်ကလပ်တွေ၊ ဆော်ဒီလိဂ်နဲ့ ပြင်သစ်လိဂ်တွေက ကလပ်တွေနဲ့ ချိတ်ဆက်မှုတွေရှိခဲ့ပေမဲ့ အဆင်မပြေဖြစ်နေဆဲဖြစ်နေတာပါ။
ဟာဇက်ရဲ့အစ်ကိုဖြစ်သူကတော့ ကလပ်အသင်း ၆ သင်းရဲ့ကမ်းလှမ်းချက်ကို ပယ်ချခဲ့တယ်လို့ ပြောထားတာပါ။
ပြင်သစ်မီဒီယာတစ်ခုကတော့ ဟာဇက်အနေနဲ့ သူ့အတွက် အဆင်ပြေနိုင်တဲ့ ကလပ်အသင်း ရှာမတွေ့တာကြောင့် ကစားသမားဘဝကနေ အနားယူဖို့သွားဖို့ ကြံရွယ်နေပြီဖြစ် ကြောင်းဖော်ပြပါတယ်။
ဟာဇက်ဟာ ချဲလ်ဆီးနဲ့ ၇ နှစ်အတွင်း ပွဲပေါင်း ၃၅၂ ပွဲကစားပြီးသွင်းဂိုး ၁၁၀ သွင်းခဲ့တာပါ။ သူဟာ ရီးရဲလ်မက်ဒရစ်နဲ့ လေးနှစ်ကြာကာလအတွင်းမှာတော့ ၇၆ ပွဲသာ ကစားခဲ့ရပြီး ၇ ဂိုးပဲ သွင်းယူနိုင်ခဲ့ပါတယ်။
Photo-Reuters
