ဦးဆောင်ဂိုးနှစ်ဂိုး စောစောစီးစီးပေးလိုက်ရပေမဲ့ နိုင်ပွဲပြန်ရအောင်ကစားနိုင်ခဲ့တဲ့ မန်ချက်စတာယူနိုက်တက်အသင်းသားတွေကို နည်းပြတန်ဟတ်ဂ်က ချီးကျူးလိုက်ပါတယ်။
မန်ယူအသင်းဟာ နော်တင်ဟမ်ဖောရက်စ်ကို ပွဲချိန် ၄ မိနစ်မှာပဲ ၂ ဂိုးဆက်တိုက်ပေးခဲ့ရပေမဲ့ ပထပိုင်းမှာ ချေပဂိုးတစ်ဂိုးသွင်းခဲ့ပြီး ဒုတိယပိုင်းမှာ ဒုတိယချေပဂိုးနဲ့ အနိုင်ဂိုးတွေသွင်းယူပြီး ၃ဂိုး ၂ ဂိုးနဲ့ အနိုင်ရခဲ့တာပါ။
၂ ဂိုးပေးရပြီး ထိတ်လန့် တုန်လူပ်စရာ စတင်ခဲ့ပေမဲ့ တည်တည်ငြိမ်ငြိမ်နဲ့ အစီအစဉ်ချမှတ်ထားတဲ့ အတိုင်းလုပ်ဆောင်နိုင်ခဲ့ပြီး ယုံကြည်မှုက အလှည့်အပြောင်းဖြစ်စေခဲ့ကြောင်း နည်းပြတန်ဟတ်ဂ်က ပြောပါတယ်။
ယူနိုက်တက်အသင်းမှာ ကောင်းမွန်တဲ့စရိုက်လက္ခဏာတွေနဲ့ ကိုယ်ရည်ကိုယ်သွေးရှိပြီး အသင်းလိုက်စိတ်ဓာတ်နဲ့ စွမ်းအားတွေလည်း အသင်းမှာရှိနေတာက နိုင်ပွဲပြန်လည်ရယူနိုင်ခဲ့တာဖြစ်ကြောင်း နည်းပြတန်ဟတ်ဂ် ကချီးကျူးသွားခဲ့ပါတယ်။
Photo-Reuters
