ကချင်ပြည်နယ်၊ မိုးကောင်းမြို့နယ်မှာ သြဂုတ် ၂၅ ရက် မနက်ပိုင်းက အသက် ၁၂ နှစ်အရွယ် ကလေးငယ်တယောက်အပါအဝင် အရပ်သားပြည်သူ ၅ ယောက်ကို စစ်ကောင်စီတပ်က ဖမ်းဆီးသွားတယ်လို့ ဒေသခံတွေဆီက သိရပါတယ်။
အိုးတန်းရပ်ကွက် ကားဂိတ်နားမှာရှိတဲ့ ကချင်ရိုးရာ စားသောက်ဆိုင်ကို စစ်ကောင်စီတပ်က ဝင်ရောက်စီးနင်းပြီး အသက် ၁၂ နှစ်အရွယ် ကလေးရဲ့ မိသားစုဝင် ၄ ယောက်နဲ့ ဆိုင်မှာလာရောက်စားသောက်နေသူတယောက်ကို ဖမ်းဆီးသွားတာ ဖြစ်ပါတယ်။
၁၂ နှစ်အရွယ်ယောကျ်ားလေးနဲ့ နောက်ထပ်အမျိုးသား ၁ ယောက်၊ အမျိုးသမီး ၃ ယောက် ဖမ်းဆီးခံလိုက်ရတာလို့ ဒေသခံတယောက်က ပြောပါတယ်။
မိုးကောင်းမြို့၊ အခြေခံပညာ အထက်တန်းကျောင်းနားမှာ ကျောင်းလာကြိုတဲ့ စစ်ကားပစ်ခတ်ခံရပြီးနောက်ပိုင်း စစ်ကောင်စီတပ်က ဒေသခံလူငယ် ၇ ယောက် ထက်မနည်းကို ပြီးခဲ့တဲ့ ရက်ပိုင်းအတွင်းက ဖမ်းဆီးထားပါသေးတယ်။
ဩဂုတ် ၁၉ ရက်နေ့က မိုးကောင်းမြို့၊ အမှတ် ၁ အခြေခံပညာ အထက်တန်းကျောင်းနားမှာ ကျောင်းလာကြိုတဲ့ စစ်ကားပစ်ခတ်ခံရတဲ့အတွက် စစ်ကောင်စီတပ်ဖွဲ့ဝင် ၂ ယောက် သေဆုံးပြီးနောက် မြို့တွင်းလုံခြုံရေးကို တင်းကြပ်ပြီဂ စစ်ဆေးတာတွေလည်း ပြုလုပ်နေပါတယ်။
