အင်္ဂလန်အသင်းအတွက် အမျိုးသမီးနည်းပြတာဝန်ပေးရန် စဉ်းစားမည်ဟု အက်ဖ်အေပြော
DVB
·
August 18, 2023
အင်္ဂလန်အမျိုးသားလက်ရွေးစင်အသင်းအတွက် အမျိုးသမီးနည်းပြချုပ်တစ်ဦးကို တာဝန်ပေးဖို့ စဉ်းစားမယ်လို့ အက်ဖ်အေစီအီးအို ဘူလင်ဂမ်က ပြောသွားပါတယ်။
လက်ရှိအချိန်မှာ အင်္ဂလန်အသင်းကို ဂယ်ရီဆောက်ဂိတ်က နည်းပြချုပ်အဖြစ်တာဝန်ယူနေပြီး ၂၀၂၄ခုနှစ် ဒီဇင်ဘာလမှာ စာချုပ်သက်တမ်းကုန်ဆုံးမှာပါ။
အဲဒီနောက်ပိုင်းမှာ အင်္ဂလန်အမျိုးသားအသင်းနည်းပြချုပ်ရာထူးအတွက် အမျိုးသမီးနည်းပြကို တာဝန်ပေးဖို့ စဉ်စားမှာဖြစ်ကြောင်း၊ အမျိုးသားနည်းပြဖြစ်စေ၊ အမျိုးသမီးနည်းပြဖြစ်စေ အသင်းအောင်မြင်မူရရှိအောင်စွမ်းဆောင်နိုင်ဖို့ကအရေးကြီးဆုံးဖြစ်ကြောင်း အက်ဖ်အေစီအီးအို ဘူလင်ဂမ်ကဆိုပါတယ်။
သတင်းတွေအရတော့ အင်္ဂလန်အသင်းဟာ အမျိုးသမီး အသင်းကို ကမ္ဘာ့ဖလားဗိုလ်လုပွဲအထိပို့ဆောင်ပေးခဲ့တဲ့ နည်းပြဝက်ခ်မန်းကို အမျိုးသားအသင်းနည်းပြ အဖြစ်တာဝန်ပေးနိုင်တယ်လို့သိရပါတယ်။
