အမေရိကန်သမ္မတ ဂျိုးဘိုင်ဒင်ဟာ အများသူငါ သတိမထားမိသေးတဲ့ စွမ်းစွမ်းတမံ ထုတ်လုပ်ပေးမယ့် စီးပွားရေးအင်အားကြီးအဖြစ် အထင်ကရဖြစ်တဲ့ သန့်ရှင်းတဲ့ စွမ်းအင်ဥပဒေကို သြဂုတ် ၁၆ ရက်မှာ ထုတ်ပြန်ခဲ့ပါတယ်။

ဘိုင်ဒင်ဟာ သူ လက်မှတ်ရေးထိုးထားတဲ့ ငွေကြေးဖောင်းပွမှု လျှော့ချရေး အက်ဥပဒေရဲ့ ပထမနှစ်ပတ်လည်နေ့မှာ ခုလို ထုတ်ပြန်လိုက်တာပါ။

ဒီဥပဒေဟာ သန့်ရှင်းတဲ့ စွမ်းအင်ဆိုင်ရာ အလုပ်အကိုင်ပေါင်း ၁၇၀,၀၀၀ ကို ဖန်တီးပေးထားပြီးသားဖြစ်ပြီး လာမယ့် ဆယ်စုနှစ်အတွင်း အလုပ်အကိုင်ပေါင်း ၁ ဒသမ ၅ သန်းလောက် ဖန်တီးပေးကာ အမေရိကန်နိုင်ငံရဲ့ ကာဗွန်ထုတ်လွှတ်မှုကို သိသိသာသာ လျှော့ချပေးမယ်လို့ ဘိုင်ဒင်က အိမ်ဖြူတော်အခမ်းအနားတရပ်မှာ ပြောခဲ့ပါတယ်။

ဒီဥပဒေဟာ အရေးကြီးတဲ့ အစိတ်အပိုင်းတွေ ထုတ်လုပ်မှုကို တရုတ်နိုင်ငံနဲ့ ဝေးကွာတဲ့ အမေရိကန်ဆီ ရွှေ့ပြောင်းစေခဲ့တယ်လို့လည်း ဘိုင်ဒင်က ပြောပါတယ်။

ဥပဒေကို အတည်ပြုအပြီး ၁၂ လအကြာမှာ IRA လို့ အများအားဖြင့် ရည်ညွှန်းတဲ့ ဥပဒေဟာ အမေရိကန်ရဲ့ အဓိကဥပဒေပြုမှုအများစုလိုပဲ ရောထွေးနေတဲ့ သုံးသပ်ချက်တွေ ထွက်ပေါ်စေခဲ့ပါတယ်။

ဘိုင်ဒင်ကို ထောက်ခံသူတွေ အပါအဝင် အမေရိကန်နိုင်ငံသား အတော်များများက ဒီကိစ္စကို သိပ်မသိကြဘူးလို့ ရိုက်တာသတင်းဌာနရဲ့ စစ်တမ်းတွေအရ သိရပါတယ်။

Source - Reuters