တနင်္သာရီမြို့နယ်တွင် ရှစ်လေးလုံး အထိမ်းအမှတ်နေ့ သပိတ်ပြုလုပ် (ဓာတ်ပုံ)
DVB
·
August 8, 2023
စစ်အုပ်ချုပ်ရေး ကြေညာထားတဲ့ တနင်္သာရီမြို့နယ်မှာ ရှစ်လေးလုံးအရေးတော်ပုံ ၃၅ နှစ်ပြည့် အထိမ်းအမှတ်နေ့အဖြစ် ပြည်သူ့ကာကွယ်ရေးအဖွဲ့တွေနဲ့ ဒေသခံပြည်သူတွေ ပူးပေါင်းပြီး သပိတ်လှုပ်ရှားမှု ပြုလုပ်ခဲ့ပါတယ်။
အဆိုပါသပိတ်လှုပ်ရှားမှုမှာ ‘၈၈ ကို သင်ခန်းစာထား တပ်ပေါင်းစုဆီရောက်အောင်သွား’ ဆိုတဲ့စာတန်းကို ကိုင်ဆောင်ပြီး ချီတက် ဆန္ဒပြခဲ့ကြပါတယ်။
တနင်္သာရီမြို့နယ်ဟာ စစ်အာဏာသိမ်းတဲ့ အစောပိုင်းကာလကနေစပြီးတော့ ယနေ့အချိန်ထိ စစ်အာဏာရှင်ကို ဆန့်ကျင်တော်လှန်နေတဲ့ မြို့နယ်တစ်ခုလည်း ဖြစ်ပါတယ်။
