ထိုင်းနိုင်ငံက အိမ်ရှင်အဖြစ်လက်ခံကျင်းပတဲ့ ၄ ကြိမ်မြောက် "AFF U23 Championship 2023" ပြိုင်ပွဲအုပ်စုအုပ်စုမဲခွဲရာမှာ မြန်မာယူ-၂၃ လက်ရွေးစင်အသင်းဟာ အုပ်စု က မှာ အိမ်ရှင်ထိုင်း၊ ကမ္ဘောဒီးယား၊ ဘရူနိုင်းတို့နဲ့တွေ့ဆုံနေပါတယ်။
ယူ-၂၃ အာဆီယံဖလားပြိုင်ပွဲကို သြဂုတ် ၁၇ ရက်နေ့ကနေ ၂၆ ရက်နေ့အထိ အသင်း ၁၀ သင်းနဲ့ အုပ်စု ၃ ခုခွဲပြီး ယှဉ်ပြိုင်သွားမှာဖြစ်ပါတယ်။
မြန်မာအသင်းက ထိုင်းအသင်းနဲ့ သြဂုတ် ၁၇ ရက်၊ ကမ္ဘောဒီယားအသင်းနဲ့ သြဂုတ် ၁၉ ရက်နဲ့ ဘရူနိုင်းအသင်းနဲ့ သြဂုတ် ၂၁ ရက်နေ့တို့မှာ ယှဉ်ပြိုင်သွားမှာဖြစ်ပါတယ်။
ယူ-၂၃ အာဆီယံဖလားပြိုင်ပွဲ အုပ်စု ၃ ခုမှာ ပထမရတဲ့အသင်း ၃ သင်းအပြင် အကောင်းဆုံး ဒုတိယရတဲ့အသင်းပါ ဆီးမီးဖိုင်နယ်ကို တက်ရောက်နိုင်မှာ ဖြစ်ပါတယ်။
အုပ်စုမဲခွဲမှုအရ အုပ်စု က မှာ မြန်မာ၊ ထိုင်း၊ ကမ္ဘောဒီယား၊ ဘရူနိုင်း၊ အုပ်စု ခ မှာ မလေးရှား၊ အင်ဒိုနီးရှား၊ တီမော၊ အုပ်စု ဂ မှာ ဗီယက်နမ်၊ ဖိလစ်ပိုင်၊ လာအို တို့ အသီးသီးတွေ့ဆုံနေပါတယ်။
မြန်မာယူ-၂၃ အသင်းဟာ ၂၀၂၂ အာဆီယံဖလားပြိုင်ပွဲမှာ ကိုဗစ်ကူးစက်ဖြစ်ပွားနေတာကြောင့် နုတ်ထွက်ခဲ့ပါတယ်။
၂၀၀၅ ခုနှစ်မှာ စတင်ခဲ့တဲ့ ယူ-၂၃ အာဆီယံပြိုင်ပွဲကို ထိုင်း၊ အင်ဒို၊ ဗီယက်နမ်တို့က ၁ ကြိမ်စီ ဗိုလ်စွဲထားပြီး မြန်မာအသင်းကတော့ အမြင့်ဆုံးအောင်မြင်မှုအဖြစ် တတိယ တကြိမ် ရရှိထားပါတယ်။
