အင်္ဂလန်နဲ့ လီဗာပူး ကွင်းလယ်လူ ဂျော်ဒန်ဟန်ဒါဆန်ဟာ ဆော်ဒီကလပ် အယ်လ်အစ်တီဖက်အသင်းနဲ့ လေ့ကျင့်ခန်း စတင်ပြုလုပ်ခဲ့ပါတယ်။
ဇူလိုင် ၂၆ ရက်အထိ အပြောင်းအရွှေ့ တရားဝင် ထုတ်ပြန်ကြေညာခြင်းမပြုခဲ့ပေမဲ့ အသင်းနဲ့အတူ လေ့ကျင့်ခန်းလုပ်ဆောင်နေတဲ့ ဟန်ဒါဆန်ရဲ့ ပုံရိပ်တွေက ဆိုရှယ်မီဒီယာတွေမှာ ဖော်ပြလာခဲ့တာပါ။
ဟန်ဒါဆန်ဟာ လီဗာပူးအသင်းလူစာရင်းကနေ ပြီးခဲ့တဲ့ရက်ပိုင်းကတည်း နုတ်ထွက်ခဲ့တာပါ။ လီဗာပူးအသင်းကို ပြောင်းရွှေ့ကြေးပေါင် ၁၂ သန်းပေးချေမှာဖြစ်ပြီး ဟန်ဒါဆန်အနေနဲ့ တစ်ပတ်လုပ်ခပေါင် ၇ သိန်းအထိ ရရှိမှာဖြစ်တယ်လို့သိရပါတယ်။
အသက် ၃၃ နှစ်ရှိ အင်္ဂလန်ကွင်းလယ်ကစားသမားဟာ လီဗာပူးမှာ ၁၂ နှစ် ကြာကစားခဲ့သူဖြစ်ပြီး စုစုပေါင်း ပွဲ ၅၀၀ လောက် ကစားပေးခဲ့ပါတယ်။
ပရီးမီးယားလိဂ်နဲ့ ချန်ပီယံလိဂ်ဆုဖလားတွေအပြင် အောင်မြင်မူတွေရယူ ပေးနိုင်ခဲ့သူပါ။ အယ်လ်အစ်တီဖက်အသင်းမှာ အသင်းဖော်ဟောင်းဖြစ်သူ စတီဗင်ဂျရတ်က နည်းပြချုပ်အဖြစ် တာဝန်ယူနေတာ ဖြစ်ပါတယ်။
