မော်လမြိုင်-သံဖြူဇရပ်လမ်းတွင် ကား၂ စီး တိုက်မိပြီး ၁ ဦးသေဆုံး၊ ၃ ဦးဒဏ်ရာရ
DVB
·
July 18, 2023
မွန်ပြည်နယ်၊ မော်လမြိုင်-သံဖြူဇရပ်ကားလမ်း မုဒုံမြို့နယ် ဖယ်ဒိုးကျေးရွာအကွေ့မှာ ဇူလိုင် ၁၈ ရက် နေ့လယ် ၁၁ နာရီခွဲက ပရိုေဘာက်ကားနှစ်စီး တိုက်မိပြီး ၁ ဦး သေဆုံးကာ ၃ ဦး ဒဏ်ရာရရှိခဲ့ပါတယ်။
မော်လမြိုင်ဘက်ကလာတဲ့ကားနဲ့ ထားဝယ်ဘက်ကလာတဲ့ကားတို့ မျက်နှာချင်းဆိုင် တိုက်မိခဲ့တာပါ။
ယာဉ်တိုက်မှုကြောင့် မော်လမြိုင်ဘက်ကလာတဲ့ ကားပေါ်က အမျိုးသမီးတဦး သေဆုံးခဲ့ပြီး တခြားကားပေါ်က အမျိုးသား ၃ ဦး ပြင်းထန်ဒဏ်ရာ ရရှိခဲ့ပါတယ်။
သေဆုံးသွားတဲ့ အမျိုးသမီးဟာ အသက် ၄၀ အရွယ်ခန့်ရှိပြီး ထားဝယ်မြို့နယ်မှာ နေထိုင်သူ ဖြစ်ပါတယ်။
ကူညီခဲ့တဲ့ ပရဟိတသမားတဦးက “လမ်းက ကွေ့ဆိုတော့ တစီးက စလစ်ဖြစ်တဲ့အချိန် နောက်တစီးက ဝင်တိုက်မိတာပါ။ အမျိုးသမီးကတော့ နေရာမှာပဲ ဆုံးသွားတယ်” လို့ ပြောပါတယ်။
ဒဏ်ရာရအမျိုးသားတွေဟာ မုဒုံမြို့နယ် ကမာဝက်တိုက်နယ်ဆေးရုံမှာ ဆေးကုသမှု ခံယူနေပါတယ်။
