အမေရိကန်ပြည်ထောင်စု နယူးယောက်ပြည်နယ်မှာ ဇူလိုင် ၆ ရက် ညနေပိုင်းက နယူးယောက်စီးတီး ခရီးသည်တင် ဘတ်စ်ကားနဲ့ ၂ ထပ် ခရီးသည်တင် ဘတ်စ်ကား တစီး တိုက်မိခဲ့ပြီး ဒဏ်ရာတွေနဲ့ လူ ၁၈ ယောက်ကို ဆေးရုံပို့ဆောင်ခဲ့ရတယ်လို့ မြို့နယ်မီးသတ်ဌာနဆီက သိရပါတယ်။ 

မန်ဟက်တန်ရပ်ကွက် အရှေ့ဘက်ခြမ်းရှိ First Avenue နဲ့ ၂၃ လမ်းမှာ ည ၇ နာရီလောက်က မြို့တော်သယ်ယူပို့ဆောင်ရေး အာဏာပိုင်အဖွဲ့ကဆောင်ရွက်တဲ့ ဘတ်စ်ကားနောက်ခန်းနဲ့ တိုက်မိခဲ့လို့ အထပ် ၂ ထပ်ပါ TopView ခရီးသွားဘတ်စ်ကားရဲ့ ရှေ့ပြတင်းပေါက်တွေ ကွဲအက်သွားပါတယ်။ 

ဘတ်စ်ကား ၂ စီးလုံး လူပြည့်ကျပ်နေပြီး တခြားလူ ၆၃ ယောက် ကို အခင်းဖြစ်ပွားရာ နေရာမှာ ဆေးဘက်ဆိုင်ရာဝန်ထမ်းတွေက စစ်ဆေးကြည့်ရှုပေးနေကြောင်း နယူးယောက် မီးသတ်ဌာနအရာရှိတွေက သတင်းထောက်တွေကို ရှင်းလင်းပြောကြားပါတယ်။ 

ဒဏ်ရာအများစုကတော့ ပြတ်ရှဒဏ်ရာတွေ၊ ခြစ်ရာတွေနဲ့ ပွန်းပဲ့ဒဏ်ရာတွေဖြစ်တယ်လို့ဆိုပြီး တချို့သူတွေကလည်း အရိုးကျိုးသွားတယ်လို့ သံသယရှိတာကြောင့် ဦးခေါင်းနဲ့လည်ပင်း ဒဏ်ရာတွေကို ကုသပေးထားကြောင်း သိရပါတယ်။ 

Source-Reuters