၂၀၂၃ ယူ-၁၇ အာရှဖလားပြိုင်ပွဲ ဗိုလ်လုပွဲကို ထိုင်းနိုင်ငံမှာ ဇူလိုင် ၂ ရက်က ယှဥ်ပြိုင်ခဲ့ပြီး ဂျပန်ယူ-၁၇ အသင်းက တောင်ကိုရီးယားယူ-၁၇ အသင်းကို ၃ ဂိုး ဂိုးမရှိနဲ့ ဂိုးပြတ်အနိုင်ယူပြီး ချန်ပီယံဖြစ်ခဲ့ပါတယ်။
ဂျပန်ယူ-၁၇ အသင်းအတွက် ဂိုးတွေကို ပွဲချိန် ၄၅ မိနစ်နဲ့ ၆၆ မိနစ်မှာ နဝါတာနဲ့ ပွဲချိန်မိနစ် ၉၀ မှာ မီချီဝါကီတို့က သွင်းယူခဲ့ပါတယ်။
ပြိုင်ပွဲရဲ့ အကောင်းဆုံးဆုတွေကိုလည်း ဂျပန်အသင်းကပဲ အားလုံးရရှိခဲ့ပြီး အကောင်းဆုံးကစားသမားဆုနဲ့ ဂိုးအများဆုံးဆုကို နာဝါတာ၊ အကောင်းဆုံးဂိုးသမားဆုကို ဝါဂာာရုဂိုတိုနဲ့ အသန့်ရှင်းဆုံးအသင်းဆုကိုလည်း ဂျပန်အသင်းကပဲ ရရှိခဲ့ပါတယ်။
ဂျပန်အသင်းဟာ နောက်ဆုံး ၂ ကြိမ်ဆက် ဗိုလ်စွဲခဲ့တာဖြစ်ပြီး ပြိုင်ပွဲသမိုင်းတလျှောက် အအောင်မြင်ဆုံးအသင်းအဖြစ် ချန်ပီယံဆု ၄ ကြိမ် ဆွတ်ခူးထားပါတယ်။
၂၀၂၃ ယူ-၁၇ အာရှဖလား ဆီမီးဖိုင်နယ်ကို တက်ရောက်နိုင်ခဲ့တဲ့ ဂျပန်၊ တောင်ကိုရီးယား၊ ဥဇဘက်ကစ္စတန်နဲ့ အီရန်တို့ဟာ အင်ဒိုနီးရှားနိုင်ငံမှာကျင်းပမယ့် ၂၀၂၃ ယူ-၁၇ ကမ္ဘာ့ဖလားပြိုင်ပွဲကို ဝင်ေရာက်ယှဥ်ပြိုင်ခွင့် ရရှိမှာဖြစ်ပါတယ်။
