ဘာစီလိုနာကွင်းလယ်လူ ဖရန့်ကီဒီယောင်ကို မန်စီးတီး ခေါ်ယူမည်
DVB
·
July 3, 2023
မန်စီးတီးအသင်းဟာ ဘာစီလိုနာကွင်းလယ်လူ ဖရန့်ကီဒီယောင်ကို ခေါ်ယူဖို့ပြင်ဆင်နေပါတယ်။
ဟော်လန်ကွင်းလယ်လူ ဒီယောင်ဟာ မန်ယူအသင်းရဲ့ပစ်မှတ်ကစားသမားဖြစ်ခဲ့ပြီး လက်ရှိအချိန် မှာတော့ မန်စီးတီးရဲ့ ပစ်မှတ်ကစားသမားဖြစ်လာခဲ့တာပါ။
နည်းပြဂွာဒီယိုလာဟာ ဂွမ်ဒိုဂမ်ရဲ့နေရာအတွက် ကိုဗာဆစ်ကိုခေါ်ယူခဲ့ပြီးဖြစ်ပေမဲ့ နောက်ထပ် ကွင်းလယ်ကစားသမားတစ်ဦးထပ်မံခေါ်ယူဖို့ ဆန္ဒရှိနေတာပါ။
ဝက်စ်ဟမ်းကွင်းလယ်လူ ဒက်ကလန်ရိုက်စ်ကိုခေါ်ယူဖို့ လက်လျှော့လိုက်ပြီးနောက်မှာ ဖရန့်ကီဒီယောင်ဘက်ကို မြားဦးလှည့်လာခဲ့တာပါ။
ဒီယောင်ဟာ ဘာစီလိုနာမှာပဲဆက်ရှိချင်ကြောင်း မကြာသေးမီကပြောခဲ့ဖူးပါတယ်။ ဒါပေမဲ့ မန်စီးတီးနဲ့ နည်းပြဂွာဒီယိုလာရဲ့ကမ်းလှမ်းချက် ရရှိမယ်ဆိုရင်တော့ အပြောင်းအရွှေ့ ဖြစ်ပေါ်လာနိုင်တယ်လို့ ခန့်မှန်းသုံးသပ်ကြပါတယ်။
