မွန်ပြည်နယ် မုဒုံမြို့နယ်၊ တံခွန်တိုင်းကျေရွာနားက တံတားကျဥ်းနေရာမှာ ဇွန် ၂ ရက် ညနေဘက်က ၁၂ ဘီးကား ၂ စီးဟာ အရှိန်မထိန်းနိုင်ဘဲ တိမ်းမှောက်ခဲ့တယ်လို့ လူမှုကယ်ဆယ်ရေးသမားတွေက ပြောပါတယ်

သံဖြူဇရပ်မြို့ကနေ မော်လမြိုင်မြို့ဘက်သို့ လားရာတူ မောင်းနှင်လာသော ၁၂ ဘီးတွဲကားနှစ်စီး ဟာအရှိန်မထိန်းနိုင်ဘဲ မြောင်းထဲထိုးကျ တိမ်းမှောက် ဖြစ်ပွားခဲ့တာပါ။

ကား၂ စီး၌ လူ ၅ ဦးပါပြီး  ကားရေတိုင်ကီ ပေါက်လို့ လူ ၂ ဦး အပူလောင်ဒဏ်ရာရတာကြောင့် ဆေးရုံကို ပို့ဆောင်ပေးခဲ့တယ်လို့ လူမှုကယ်ဆယ်ရေးသမားတွေက ပြောပါတယ်။

မော်လမြိုင်-သံဖြူဇရပ်-ရေး ကားလမ်းမှာ ယာဥ်မဆင်မခြင်မောင်းနှင်မှုတွေကြောင့် ယာဥ်မတော်တဆမှု နဲ့ လူထိခိုက်လူသေဆုံးမှုတွေ ရှိနေပါတယ်။