စစ်တွေမြို့တွင် ၇ နှစ်အရွယ် ကလေးငယ် ၁ ဦး ရေနစ်သေဆုံး
DVB
·
May 23, 2023
ရခိုင်ပြည်နယ်၊ စစ်တွေမြို့၊ မင်းတရားချိတ်ရပ်ကွက်မှာ မေ ၂၂ ရက်က ကလေးငယ်တဦး ရေနစ်သေဆုံးခဲ့တယ်လို့ မြို့ခံတွေဆီက သိရပါတယ်။
အသက် ၇ နှစ်အရွယ် မယွန်းရွှေဦးဟာ မေ ၂၂ ရက် မနက် ၈ နာရီကတည်းက ပျောက်ဆုံးသွားပြီး ညနေ ၅ နာရီမှာ မင်းတရားချိတ်ကန်အတွင်း သေဆုံးကာ ရုပ်အလောင်း တွေ့ရှိခဲ့တယ်လို့ ဒေသခံတွေဆီက သိရပါတယ်။
“ကလေးရဲ့အလောင်း ပေါ်လာတဲ့အချိန် ညနေ ၅ နာရီခွဲလောက်မှာ ကျနော်တို့ကို အကြောင်းကြားလို့ သွားရောက်ဆယ်ယူခဲ့တယ်” လို့ မေတ္တာရောင်ခြည်ဖောင်ဒေးရှင်း လူမှုကူညီရေးအသင်း တာဝန်ခံက ပြောပါတယ်။
သေဆုံးသွားတဲ့ ကလေးငယ်ရဲ့ ရုပ်အလောင်းကို စစ်တွေပြည်သူ့ဆေးရုံ ရင်ခွဲရုံမှာ ထားရှိတယ်လို့ သိရပါတယ်။
