ရန်ကုန် ပြည်သူ့ရင်ပြင်ရှေ့တွင် YBS ဘတ်စ်ကား အပူလွန်ကဲပြီး မီးလောင်
DVB
·
May 16, 2023
ရန်ကုန်တိုင်း၊ ဒဂုံမြို့နယ်၊ ပြည်သူ့ရင်ပြင်ရှေ့မှာ မေ ၁၆ ရက် မနက် ၁၀ နာရီလောက်က ၇၈ YBS ယာဉ်တစီး အပူတက်ပြီး မီးလောင်မှုဖြစ်ပွားခဲ့ပါတယ်။
ကိုယ်တိုင်ကြုံရသူတဦးက “ကားက အပူတက်ပြီး ပြည်သူ့ရင်ပြင်အရှေ့မှာ အချိန်မီ ထိုးရပ်လိုက်တယ်။ ကားပေါ်က အားလုံး အမြန်ဆင်းကြတော့ ခရီးသည်တွေ ဘာမှမဖြစ်သွားဘူး” လို့ ပြောပါတယ်။
YBS ယာဉ် မီးလောင်တဲ့နေရာကို မြို့နယ်မီးသတ်တပ်ဖွဲ့ ၃ ခုက မီးသတ်ယာဉ် ၃ စီးနဲ့ ကူညီငြှိမ်းသတ်ခဲ့တယ်လို့ မြန်မာနိုင်ငံမီးသတ်အဖွဲ့ချုပ်က ထုတ်ပြန်ထားပါတယ်။
