ရေးခရိုင်တရားရုံး မိုင်းခွဲခံရ
DVB
·
September 9, 2022
မွန်ပြည်နယ်၊ ရေးမြို့နယ် ခရိုင်တရားရုံးကို စက်တင်ဘာ ၈ ရက် ည ၆ နာရီ ၄၅ မိနစ်က မိုင်းခွဲ တိုက်ခိုက်ခဲ့တယ်လို့ ရေးပြည်သူ့ကာကွယ်ရေးအထူးတပ်ဖွဲ့ YSTF တာဝန်ရှိသူက ပြောပါတယ်။
ခရိုင်တရားရုံးနဲ့ ဌာနဆိုင်ရာရုံးဝန်ထမ်းတွေကို ၆၀ မမ ဗုံးသီးနဲ့ပြုလုပ်ထားတဲ့ မိုင်းနဲ့ နောက်ဆုံး သတိပေးတိုက်ခိုက်ခဲ့တာဖြစ်ပြီး ထပ်မံစစ်ရေးအရှိန်မြှင့်တိုက်ခိုက်သွားမယ်လို့ ဆိုပါတယ်။
ရေးမြို့နယ်ခရိုင်တရားရုံးကို စက်တင်ဘာ ၁ ရက်က စတင်ဖွင့်လှစ်ခဲ့ပြီး အခု ပထမအဆုံးကြိမ် တိုက်ခိုက်မှုဖြစ်စဉ်မှာ ထိခိုက်ဒဏ်ရာရတာ မရှိခဲ့ပါဘူး။
အဆိုပါ ရုံးဌာနဆိုင်ရာအနီးနားမှာ ပြည်သူ့တွေအနေနဲ့ မသွားကြ၊ မနေကြဖို့ ရေး ပြည်သူ့ကာကွယ်ရေးအထူးဖွဲ့က ထပ်မံတိုက်တွန်းထားပါတယ်။
သြဂုတ် ၃ ရက်ကလည်း ရေးဘီးလူးအဖွဲ့က လ၀ကရုံးကို တိုက်ခိုက်ခဲ့ရာမှာ ၀န်ထမ်း ၃ ဦး အပါအဝင် အရပ်သား ၁ ဦး ထိခိုက်သေဆုံးခဲ့ပါတယ်။
