မကွေးတိုင်း၊ ဂန့်ဂေါမြို့နယ်၊ မင်းရွာရဲစခန်းကနေ စျေးဝယ်ထွက်လာတဲ့ ရဲတပ်သား ၃ ယောက်ကို PDF-GANGAW- တောင်ပိုင်း ရဲဘော်တွေက ဇူလိုင် ၃၀ ရက်မှာ သွားရောက် ပစ်ခတ်ခဲ့ကြတယ်လို့ PDF ဂန့်ဂေါတောင်ပိုင်းရဲ့ တာဝန်ရှိသူက ပြောပါတယ်။
“ကျနော်တပ်ဖွဲ့ဘက်က ချောင်းမြောင်းပစ်ခတ်ခဲ့တာ ရဲ နှစ် ဦး ကျသွားတယ်။ ရဲ တယောက်ကတော့ နံကြားကို သေနတ်မှန်ဒဏ်ရာနဲ့ ထွက်ပြေးသွားတယ်”
ပစ်ခတ်မှုအပြီး ရဲစခန်းအတွင်းက လက်နက်ကြီး၊ လက်နက်ငယ်တွေနဲ့ ပစ်ခတ်ခဲ့ပေမဲ့ PDF-GANGAW-တောင်ပိုင်းရဲဘော်တွေ ထိခိုက်မှု မရှိဘဲ အောင်မြင်စွာ ပြန်လည်ဆုတ်ခွာလာ နိုင်ခဲ့တယ်လို့ဆိုပါတယ်။
လတ်တလောမှာ စစ်ကောင်စီတပ်သားတွေနဲ့ ပျူစောထီးတွေက အင်အားအလုံးအရင်းနဲ့ ထိုးစစ်ဆင်နေပြီး ဒေသခံတွေအနေနဲ့ ဘေးလွတ်ရာဒေသတွေမှာ ထွက်ပြေးတိမ်းရှောင်နေကြရပြီး စားဝတ်နေရေးအခက်အခဲတွေ ဖြစ်ပေါ်နေပါတယ်။
စစ်ကောင်စီကဂန့်ဂေါနယ်ကို အင်တာနက်လိုင်းများဖြတ်တောက်ထားပြီး သတင်းအမှောင်ချထားတာ ၁၁ လဝန်းကျင်ရှိပြီလည်းဖြစ်ပါတယ်။
