ရခိုင်ပြည်နယ်၊ ရသေ့တောင်မြို့နယ်၊ အောင်ဗလကျေးရွာရှိ နေအိမ်တွေကို ဇွန် ၄ ရက်ည ၇ နာရီကျော်လောက်က ဒုံးပိုင်အခြေစိုက် စစ်ကောင်စီတပ်ဖွဲ့တွေက ဝင်ရောက်စစ်ဆေးခဲ့လို့ တိုက်ပွဲဖြစ်လာမှာကို စိုးရိမ်နေကြတယ်လို့ ဒေသခံတွေက ပြောပါတယ်။
ဒုံးပိုက်ကျေးရွာအခြေစိုက် စစ်ကောင်စီတပ်အင်အား ၅၀ လောက်က မနေ့ညက အောင်ဗလကျေးရွာရှိ နေအိမ် ၄ အိမ်ကို ဝင်ရောက်စစ်ခဲ့ကြတာဖြစ်ပြီး ဖမ်းဆီးတာတော့ မရှိဘူးလို့ ရွာသားတယောက်က ပြေပါတယ်။
အောင်ဗလကျေးရွာသားတဦးက "ဘယ်လိုသတင်းတွေရလို့ လာရောက်စစ်ဆေးတာတော့မသိဘူး။ သူတို့ စစ်ချင်တဲ့ နေအိမ် ၄ အိမ်ကို ဝင်ရောက်စစ်ဆေးသွားတာ။ ဖမ်းဆီးသွားတာတော့မရှိဘူး"လို့ ပြောပါတယ်။
စစ်ကောင်စီတပ်တွေက မိသားစုဝင်အရေအတွက်၊ သက်မွေးဝမ်းကျောင်းအလုပ်နဲ့ အိမ်ထောင်စုစာရင်းတွေကို စစ်ဆေးခဲ့ကြတာဖြစ်ပါတယ်။
"ဒီလိုသာဆက်လက်ပြီးကျေးရွာတွေကို ဝင်ရောက်စစ်ဆေးနေရင် အေအေနဲ့ နှစ်ဘက် ထိတွေ့မှုဖြစ်ပြီး တိုက်ပွဲဖြစ်လာမှာကို စိုးရိမ်နေကြတာ။"လို့ ရွာခံသားတယောက်က ပြောပါတယ်။
အရင်က ရက္ခိုင်တပ်တော်နဲ့ စစ်ကောင်စီတပ်တွေ ဖြစ်ပွားခဲ့တဲ့ တိုက်ပွဲတုန်းက အောင်ဗလကျေးရွာက အမျိုးသမီးနှစ်ယောက် သေနတ်ကျည်ထိမှန်ပြီး ဒဏ်ရာပြင်းထန် ရခဲ့ဖူးပါတယ်။
